قازاقستاندا ٶزٸن-ٶزٸ جۇمىسپەن قامتىعانداردىڭ ەڭبەك قۇقىقتارىن قورعاۋعا باعىتتالعان «پلاتفورمالىق جۇمىسپەن قامتۋ» جٷيەسٸ ەنگٸزٸلەدٸ, دەپ حابارلايدى قازاقپارات.
«قىزمەت كٶرسەتۋ سالاسىندا 900 مىڭعا جۋىق ادام جۇمىسپەن قامتىلعان. ولاردىڭ بٸر بٶلٸگٸ زاڭنان تىس, ياعني بٸررەتتٸك قىزمەت كٶرسەتەدٸ جەنە كٶپ بٶلٸگٸ تاپسىرىس بەرۋشٸلەر تاراپىنان قورعالماعان. وسىعان بايلانىستى بٸز «پلاتفورمالىق جۇمىسپەن قامتۋ» باعدارلامالىق ٶنٸمٸن جاسادىق. ول قازٸر تەستٸلەۋدەن ٶتٸپ جاتىر (...) تازالاۋ, ٷيدٸ كٷزەتۋ, ازىق-تٷلٸك جەتكٸزۋ قىزمەتتەرٸن كٶرسەتەتٸن تۇرعىندار وسى قوسىمشادا تٸركەلٸپ, تاپسىرىس قابىلداي الادى. وعان قوسا, وندا تاراپتاردىڭ قۇقىقتارى مەن مٸندەتتەرٸ, ورىنداۋشىنىڭ ەڭبەك قۇقىقتارىن قورعاۋ قاراستىرىلعان», - دەدٸ قر ەڭبەك جەنە حالىقتى ەلەۋمەتتٸك قورعاۋ ۆيتسە-مينيسترٸ ەرجان بٸرجانوۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
سپيكەردٸڭ ايتۋىنشا, بۇل كٶلەڭكەدە قالعان ادامداردىڭ بٸر بٶلٸگٸن كەسٸپكەرلٸك ورتاعا شىعارۋعا جەنە نەعۇرلىم جوعارى دەڭگەيٸنە ودان ەرٸ كٶتەرۋگە مٷمكٸندٸك بەرەدٸ. قوسىمشا ارقىلى ولار وڭاي تٸركەلٸپ, سالىق تٶلەي الادى.
جالپى ەڭبەك مينيسترلٸگٸنٸڭ مەلٸمەتٸنشە, 2025 جىلعا دەيٸن ەكٸ ميلليوننان استام, ونىڭ ٸشٸندە 600 مىڭنان استام تۇراقتى جەنە 1,4 ميلليوننان استام ۋاقىتشا جۇمىس ورىندارى قۇرىلادى. بارلىق جاڭا جۇمىس ورىندارى «جۇمىس ورىندارىن قۇرۋدىڭ ينتەگراتسييالانعان كارتاسى» اقپاراتتىق جٷيەسٸندە كٶرٸنٸس تابادى.
ەلٸمٸزدە ەكٸ ايدىڭ قورىتىندىسى بويىنشا 65 مىڭعا جۋىق جۇمىس ورنى اشىلعان, ونىڭ ٸشٸندە 16 مىڭنان استامى – تۇراقتى جۇمىس ورىندارى.
