15 qarasha kúni Qazaqstanda koronavirýs juqtyrǵany Covid testimen (PTR) rastalǵan 588 naýqas tirkeldi. Eń kóp naýqas Shyǵys Qazaqstan oblysynda (197) tirkelgen. Bir kúnde 301 adam jazyldy. Densaýlyq saqtaý ministrliginiń 16 qarasha tańerteń taratqan habarlamasynda osyndai aqparat jazylǵan.
Soltústik Qazaqstan oblysynda - 57, Qostanai oblysynda - 51, Pavlodar oblysynda - 49, Nur-Sultanda - 44, Batys Qazaqstan oblysy men Almaty qalasynda árqaisysynda - 42, Aqmola oblysynda - 35, Almaty oblysynda - 25, Qaraǵandy oblysynda - 17, Atyraý oblysynda - 14, Aqtóbe oblysynda - 7, Jambyl oblysynda - 5, Túrkistan oblysynda 3 adamnan koronavirýs infektsiiasy tabylǵan. Qyzylorda jáne Mańǵystaý oblystarynda jeksenbi kúni birde-bir naýqas tirkelmegen.
Elde naýryz aiynan beri virýs juqtyrǵany PTR testimen rastalǵandar 121 051 adamǵa jetti: 109 myńnan astamy jazylǵan. 8 myńǵa jýyǵy emdelip jatyr, 1924-i qaitys bolǵan.
Covid jónindegi ulttyq statistikaǵa esebi 1 tamyzdan beri júrgizilip kele jatqan koronavirýs pnevmoniiasy statistikasy (koronavirýstyń PTR testimen rastalmaǵan keisteri) da qosylmaǵan. 15 qarashadaǵy derek boiynsha, pnevmoniianyń bul túri tamyzdan basynan beri 40 149 adamnan anyqtalǵan, 418-i qaitys bolǵan.
