23 qańtar kúni Qazaqstanda koronavirýs juqtyrǵany PTR testimen rastalǵan 1584 naýqas tirkeldi. Bul – ótken jyldyń 24 shildesinen bergi eń joǵarǵy kórsetkish. Sol kúni 1740 naýqas tirkelgen. Aýrýdan bir kúnde 839 adam jazylyp shyqqan.
Táýlik ishinde anyqtalǵan naýqastardyń 60 paiyzy soltústik óńirlerge keledi. Aqmola oblysynda – 237, Nur-Sultan qalasynda – 229, Pavlodar oblysynda – 220, Qostanai oblysynda 177 jáne Soltústik Qazaqstan oblysynda 113 adamnyń PTR testi oń nátije kórsetken.
Eń tómengi kórsetkish ádettegidei Qyzylorda (16), Túrkistan (16), Mańǵystaý (11) jáne Aqtóbe oblystarynda (10), sondai-aq Shymkent qalasynda (8) tirkelgen.
Osylaisha Qazaqstanda virýs juqtyrǵany zerthanalyq taldaýmen rastalǵandar 176 974 adamǵa jetip otyr. Onyń ishinde 159 486 adam jazylyp shyqqan.
Qazaqstan úkimeti 1 tamyzdan bastap PTR testimen rastalmaǵan, biraq aýrý belgileri soǵan uqsaityn koronavirýs pnevmoniiasynyń deregin júrgizip keledi. Resmi derekke qaraǵanda, 1 tamyz ben 22 qańtar aralyǵynda koronavirýs pnevmoniiasymen 47 311 naýqas tirkelgen. Bilik bul derekti koronavirýs jónindegi ulttyq statistikaǵa qospai otyr. Biraq Dúniejúzilik densaýlyq saqtaý uiymy men Djons Hopkins ýniversiteti sekildi koronavirýstyń taraý kartasyn júrgizip otyrǵan mekemeler Qazaqstannyń bul eki deregin biriktirip kórsetip otyr.
23 qańtardaǵy resmi derekke qaraǵanda, virýs juqtyrǵany PTR testimen rastalǵan naýqastar arasynda barlyǵy 2466 adam qaitys bolǵan. Buǵan virýs juqtyrǵany rastalǵan, biraq «ilespe aýrýdan qaitys boldy» degen júzdege adam kirmeidi.
Densaýlyq saqtaý ministrliginiń dereginshe, Qazaqstanda 1 qańtar men 2 tamyz aralyǵynda 256 myń adam pnevmoniiamen tirkelgen. Bul ótken jyldyń balama merziminen 3,3 ese joǵary kórsetkish edi.
24 qańtardaǵy málimet boiynsha, elimizde 26 736 adam koronovirýstan (15 016 KVI+ jáne 11 720 KVI-) emdelip jatyr.
Olardyń ishinde 6 753 patsient - statsionarda, 19 983 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
• 291 adamnyń jaǵdaiy aýyr;
• 50 patsienttiń jaǵdaiy óte aýyr;
• 43 naýqas ÓJJ apparatynda jatyr
