Qazaqstanda Óńirlik sý jáne energetikalyq konsortsiým qurý qajet. Mundai usynysty BUU Bas Assambleiasy 75-sessiiasynyń jalpy saiasi debattarynda sóz sóilegen QR Prezidenti Qasym-Jomart Toqaev jasady, dep habarlaidy "Ult aqparat".
«Aimaqtyq yntymaqtastyq máselesin árdaiym basty nazarda ustaimyz. Qazirgi ýaqytta aimaqtaǵy elderdiń túrli salalardaǵy ózara is-qimyldy edáýir keńeitýine bailanysty Ortalyq Aziia qarqyndy damyp keledi. Órkendegen, qýatty jáne birtutas Ortalyq Aziia óńirlik jáne jahandyq taraptardyń múddelerine sai keledi dep senemin», - dedi Memleket basshysy.
Qazaqstan Prezidenti óńirlik turaqtylyq máselesinde transshekaralyq sý resýrstaryn utymdy paidalanýdyń mańyzy erekshe ekendigin basa aitty.
«Osyǵan bailanysty biz Óńirlik sý jáne energetikalyq konsortsiým qurýdy usynamyz. Ortalyq Aziiany damytý baǵytyndaǵy kún tártibin úilestirý úshin biz Almaty qalasyndaǵy Ornyqty damý maqsattary jónindegi BUU-nyń óńirlik ortalyǵyn institýtqa ainaldyrýǵa niettimiz», - dedi Qasym-Jomart Toqaev.
