S. Seifýllin atyndaǵy Qazaq agrotehnikalyq ýniversitetiniń 3 kýrs stýdenti Gúlnaz Seiitqamal Qazaqstanda orman alqaptaryn ulǵaitý joldaryn aityp berdi, dep habarlaidy QazAqparat.
«Meniń jobam Qazaqstan Respýblikasyndaǵy shóleittený máselesin zertteýge arnalǵan. El aýmaǵynyń 58%-y shólder men jartylai shólderge jatady. Dala aimaǵy elimizdiń 27% alyp jatyr, onda sý jáne jel eroziiasy baiqalady. Mundai problemalardyń aldyn alý úshin qazirden bastap aǵash otyrǵyzýmen ainalysý kerek. Bizdiń jobanyń maqsaty – Qazaqstandaǵy aǵash egý aýqymyn keńeitý. Ol úshin óńirdiń biregei bioalýantúrliligin qoldap, ormandy 5 mln ga jerge ulǵaitý kerek», - dedi stýdent Halyqaralyq jasyl tehnologiialar jáne investitsiialyq jobalar ortalyǵynda ótken Ekologiia ministrimen kezdesýde.
Onyń aitýynsha, qazir klimattyń jahandyq ózgerýi, topyraqtyń shóleittenýi máseleleri óte ózekti. Ormandardy qoldan qurý arqyly álemdegi kómirqyshqyl gazyn qaita óńdeý kólemin arttyrýǵa bolady.
«Osy máselelerdi sheshýdiń eń jarqyn mysaly – astananyń ainalasynda jasyl beldeý qurý boldy. Biraz ýaqyttan keiin tiimdi nátijesin kóremiz. Biz jasyl beldeýdi sáýlelik printsip boiynsha jalǵastyrýdy usynamyz», - deidi Gúlnaz Seiitkamal.
Óz kezeginde QR Ekologiia, geologiia jáne tabiǵi resýrstar ministri Maǵzum Myrzaǵaliev usynysqa qoldaý bildirip, máseleniń rasynda da ózekti ekenin jetkizdi.
«Birneshe apta buryn Aral teńizine baryp keldim. Onda sekseýil otyrǵyzý boiynsha jeke baǵdarlama jasaǵymyz keledi. Ol jaqtan jyl saiyn júzdegen myń tonna tuz shyǵady. Sondyqtan biz aǵash egý jobalaryn belsendi túrde qoldaimyz», - dedi Myrzaǵaliev.
Aita keteiik, QR Ekologiia, geologiia jáne tabiǵi resýrstar ministri Maǵzum Myrzaǵaliev Dúniejúzilik qorshaǵan ortany qorǵaý kúni qarsańynda ekovolonterlermen, ekologiialyq fakýltetterdiń stýdentterimen kezdesti jáne Qazaqstandaǵy basty ekologiialyq problemalar týraly aityp berdi.
Ekologiia ministri ótken jyly 2050 jylǵa deiingi tómen kómirtekti ekonomika tujyrymdamasyn daiyndaý boiynsha belsendi jumys bastalyp ketkenin eske saldy.
