س. سەيفۋللين اتىنداعى قازاق اگروتەحنيكالىق ۋنيۆەرسيتەتٸنٸڭ 3 كۋرس ستۋدەنتٸ گٷلناز سەيٸتقامال قازاقستاندا ورمان القاپتارىن ۇلعايتۋ جولدارىن ايتىپ بەردٸ, دەپ حابارلايدى قازاقپارات.
«مەنٸڭ جوبام قازاقستان رەسپۋبليكاسىنداعى شٶلەيتتەنۋ مەسەلەسٸن زەرتتەۋگە ارنالعان. ەل اۋماعىنىڭ 58%-ى شٶلدەر مەن جارتىلاي شٶلدەرگە جاتادى. دالا ايماعى ەلٸمٸزدٸڭ 27% الىپ جاتىر, وندا سۋ جەنە جەل ەروزيياسى بايقالادى. مۇنداي پروبلەمالاردىڭ الدىن الۋ ٷشٸن قازٸردەن باستاپ اعاش وتىرعىزۋمەن اينالىسۋ كەرەك. بٸزدٸڭ جوبانىڭ ماقساتى – قازاقستانداعى اعاش ەگۋ اۋقىمىن كەڭەيتۋ. ول ٷشٸن ٶڭٸردٸڭ بٸرەگەي بيوالۋانتٷرلٸلٸگٸن قولداپ, ورماندى 5 ملن گا جەرگە ۇلعايتۋ كەرەك», - دەدٸ ستۋدەنت حالىقارالىق جاسىل تەحنولوگييالار جەنە ينۆەستيتسييالىق جوبالار ورتالىعىندا ٶتكەن ەكولوگييا مينيسترٸمەن كەزدەسۋدە.
ونىڭ ايتۋىنشا, قازٸر كليماتتىڭ جاھاندىق ٶزگەرۋٸ, توپىراقتىڭ شٶلەيتتەنۋٸ مەسەلەلەرٸ ٶتە ٶزەكتٸ. ورمانداردى قولدان قۇرۋ ارقىلى ەلەمدەگٸ كٶمٸرقىشقىل گازىن قايتا ٶڭدەۋ كٶلەمٸن ارتتىرۋعا بولادى.
«وسى مەسەلەلەردٸ شەشۋدٸڭ ەڭ جارقىن مىسالى – استانانىڭ اينالاسىندا جاسىل بەلدەۋ قۇرۋ بولدى. بٸراز ۋاقىتتان كەيٸن تيٸمدٸ نەتيجەسٸن كٶرەمٸز. بٸز جاسىل بەلدەۋدٸ سەۋلەلٸك پرينتسيپ بويىنشا جالعاستىرۋدى ۇسىنامىز», - دەيدٸ گٷلناز سەيٸتكامال.
ٶز كەزەگٸندە قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ ۇسىنىسقا قولداۋ بٸلدٸرٸپ, مەسەلەنٸڭ راسىندا دا ٶزەكتٸ ەكەنٸن جەتكٸزدٸ.
«بٸرنەشە اپتا بۇرىن ارال تەڭٸزٸنە بارىپ كەلدٸم. وندا سەكسەۋٸل وتىرعىزۋ بويىنشا جەكە باعدارلاما جاساعىمىز كەلەدٸ. ول جاقتان جىل سايىن جٷزدەگەن مىڭ توننا تۇز شىعادى. سوندىقتان بٸز اعاش ەگۋ جوبالارىن بەلسەندٸ تٷردە قولدايمىز», - دەدٸ مىرزاعاليەۆ.
ايتا كەتەيٸك, قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ دٷنيەجٷزٸلٸك قورشاعان ورتانى قورعاۋ كٷنٸ قارساڭىندا ەكوۆولونتەرلەرمەن, ەكولوگييالىق فاكۋلتەتتەردٸڭ ستۋدەنتتەرٸمەن كەزدەستٸ جەنە قازاقستانداعى باستى ەكولوگييالىق پروبلەمالار تۋرالى ايتىپ بەردٸ.
ەكولوگييا مينيسترٸ ٶتكەن جىلى 2050 جىلعا دەيٸنگٸ تٶمەن كٶمٸرتەكتٸ ەكونوميكا تۇجىرىمداماسىن دايىنداۋ بويىنشا بەلسەندٸ جۇمىس باستالىپ كەتكەنٸن ەسكە سالدى.
