Foto: Pexels.com
Májilis depýtaty Nikita Shatalov Qazaqstanda onlain-nesielerdiń qoljetimdiligi internet-alaiaqtardyń kóbeiýine yqpal etti deidi. Ol Parlamenttegi sózinde onlain-nesielerge tyiym salý jónindegi onlain-petitsiia uiymdastyrylǵanyn atap ótti, dep habarlaidy Ult.kz.
Alaida, Qazaqstan Respýblikasynyń Qarjy naryǵyn retteý jáne damytý agenttiginiń tóraiymy Mádina Ábilqasymova onlain-nesieleýge tyiym salýdy qoldamady. Onyń aitýynsha, bul banktik qosymshalardyń qyzmetin shekteidi.
«Bizge onlain nesie berýge tyiym salý týraly usynys kelip tústi. Biraq qazirgi ýaqytta barlyq derlik qarjylyq, banktik qyzmetter tsifrlandyrylǵan jáne onlain rejiminde usynylady. Buǵan qazaqstandyqtardyń kóbi múddeli. Sondyqtan qazaqstandyqtardyń onlain qyzmetterge qoljetimdiligin shektemeý úshin onlain nesielerge tikelei tyiym salý erte dep sanaimyz. Onyń ornyna onlain-alaiaqtyqpen kúresý úshin basqa tetikterdi qarastyrýdy usynamyz», — dedi Ábilqasymova.
Ol tyiym salýdyń ornyna, nesieni tekserý úshin ony qaraý merzimin uzartýdy usyndy. Ulttyq bank te tyiym salýdy orynsyz dep sanaidy.
