Elordada ótip jatqan Óńirlik BAQ forýmyna qatysýshylar óńirlik jýrnalister aliansyn qurý bastamasyn qoldady, dep habarlaidy "Ult aqparat" QazAqparat-qa silteme jasap.
Forým barysynda "Almaty" telearnasynyń bas direktory Álibek Áldenei óńirlik jýrnalister aliansyn qurýdy usynǵan bolatyn. Bul bastamany «Shymkent kelbeti» gazetiniń bas redaktory Aigúl Qaparova da qoldady.
«Men Ońtústik Qazaqstan oblysynyń Shymkent qalasynan keldim. Jýrnalisterdiń aliansyn nemese basqa qaýymdastyq qurý bastamasyn qoldaimyn. Óte qundy usynys. Óitkeni, aýdandar men aýyldarda shyǵatyn buqaralyq aqparat quraldary ózderin dalada qalǵandai sezinetindigi ras. Sondyqtan qazirgi tańda olardyń basyn biriktiretin uiym qajet dep olaimyn»,- dedi Qaparova.
Aita keterligi, Aqparat jáne kommýnikatsiialar ministri Dáýren Abaev ta mundai bastamaǵa tolyq qoldaý kórsetti. «Iá, mundai alians kerek dep oilaimyn. Óńirlik jýrnalister aliansyn qurý usynysyn tolyqtai qoldaýǵa bolady», - dedi ministr.
