Qazaqstanda óńirlerdiń investitsialyq tartymdylyǵy reitingi jasalady, dep habarlaidy "Ult aqparat" Strategiialyq josparlaý jáne reformalar jónindegi agenttikke silteme jasap.
Resei Federatsiiasy Úkimetiniń tóraǵasy Mihail Mishýstinniń Qazaqstanǵa sapary aiasynda QR Strategiialyq josparlaý jáne reformalar agenttigi, RF Strategiialyq bastamalar agenttigi «Astana» halyqaralyq qarjy ortalyǵy Ákimshiligimen jáne UTB platformasymen birlesip investitsiialyq klimatty jetildirý, institýtsionaldyq ortany damytý, tsifrlyq jáne tehnologiialyq damý, kásipkerlik pen memlekettik basqarý salasyndaǵy adami potentsialdy arttyrý, óńirlerdi damytýǵa baǵyttalǵan jobalar men bastamalardy iske asyrý, ekologiiany saqtaý men klimattyń ózgerýine beiimdelý («jasyl ekonomika») salalarynda yntymaqtastyq týraly kelisimge qol qoidy.
Qujatqa SBA bas direktory Svetlana Chýpsheva, SJRA tóraǵasy Qairat Kelimbetov, AHQOÁ basqarma tóraǵasy Ernur Rysmaǵambetov jáne UTB platformasynyń bas direktory Dmitrii Peskov qol qoidy.
Kelisimde kórsetilgen taraýlardy iske asyrý maqsatynda birlesken Strategiialyq bastamalar keńsesin ashý josparlanǵan. Onyń quramyna taraptardyń ókilderi kiredi. Ondaǵy maqsat birlesken damý jobalaryn qurý jáne keńeitý bolmaq.
Qujat aiasynda SBA-nyń Resei Federatsiiasy óńirleriniń investitsiialyq klimatynyń reitingin qurýdaǵy tájiribesin eskere otyryp Qazaqstan óńirleriniń investitsiialyq tartymdylyǵy reitingi jasalady.
«Reiting basqarý tobyn turaqty ózgeristerge yntalandyrady. Bul tájiribe áriptesterimizge paidaly bolady dep úmittenemiz. Osy baǵyttaǵy jumystardy birlesip atqaramyz», - dedi SBA bas direktory Svetlana Chýpsheva.
«Kelisimge qol qoiý biz úshin azamattardyń ómirin jaqsartýǵa baǵyttalǵan jobalar men bastamalardy birlese daiyndaý men ilgeriletýge úlken múmkindikter usynady. Eki eldiń bilim berý, tehnologiia, investitsiialyq klimat, týrizm men ekologiiany damytý boiynsha birlesken bastamalardy sátti iske asyrý jalpy osy óńirdiń damýyna yqpal etpek», dedi SJRA tóraǵasy Qairat Kelimbetov.
Óz tarapynan AHQOÁ Qazaqstan Respýblikasyndaǵy investitsiialyq múmkindikter men sheteldik investorlardy memlekettik qoldaý júiesi, sonymen qatar «Astana» halyqaralyq qarjy ortalyǵy usynyp otyrǵan ónimder men qyzmetter sekildi yntymaqtastyqtyń jańa baǵyttary týraly aqparattandyryp otyrmaq.
UTB platformasy bilim berý, júrgizýshisiz kólik, ekologiialyq monitoring, meditsina jáne ózge de salalardaǵy birlesken baǵdarlamalardy jáne úlken málimettermen jumys isteitin mamandardy daiyndaý men biliktilikterin jetildirý baǵdarlamalaryn jobalaýǵa kómek kórsetedi
