قازاقستاندا ٶڭٸرلەردٸڭ ينۆەستيتسيالىق تارتىمدىلىعى رەيتينگٸ جاسالادى, دەپ حابارلايدى "ۇلت اقپارات" ستراتەگييالىق جوسپارلاۋ جەنە رەفورمالار جٶنٸندەگٸ اگەنتتٸككە سٸلتەمە جاساپ.
رەسەي فەدەراتسيياسى ٷكٸمەتٸنٸڭ تٶراعاسى ميحايل ميشۋستيننٸڭ قازاقستانعا ساپارى اياسىندا قر ستراتەگييالىق جوسپارلاۋ جەنە رەفورمالار اگەنتتٸگٸ, رف ستراتەگييالىق باستامالار اگەنتتٸگٸ «استانا» حالىقارالىق قارجى ورتالىعى ەكٸمشٸلٸگٸمەن جەنە ۇتب پلاتفورماسىمەن بٸرلەسٸپ ينۆەستيتسييالىق كليماتتى جەتٸلدٸرۋ, ينستيتۋتسيونالدىق ورتانى دامىتۋ, تسيفرلىق جەنە تەحنولوگييالىق دامۋ, كەسٸپكەرلٸك پەن مەملەكەتتٸك باسقارۋ سالاسىنداعى ادامي پوتەنتسيالدى ارتتىرۋ, ٶڭٸرلەردٸ دامىتۋعا باعىتتالعان جوبالار مەن باستامالاردى ٸسكە اسىرۋ, ەكولوگييانى ساقتاۋ مەن كليماتتىڭ ٶزگەرۋٸنە بەيٸمدەلۋ («جاسىل ەكونوميكا») سالالارىندا ىنتىماقتاستىق تۋرالى كەلٸسٸمگە قول قويدى.
قۇجاتقا سبا باس ديرەكتورى سۆەتلانا چۋپشەۆا, سجرا تٶراعاسى قايرات كەلٸمبەتوۆ, احقوە باسقارما تٶراعاسى ەرنۇر رىسماعامبەتوۆ جەنە ۇتب پلاتفورماسىنىڭ باس ديرەكتورى دميتريي پەسكوۆ قول قويدى.
كەلٸسٸمدە كٶرسەتٸلگەن تاراۋلاردى ٸسكە اسىرۋ ماقساتىندا بٸرلەسكەن ستراتەگييالىق باستامالار كەڭسەسٸن اشۋ جوسپارلانعان. ونىڭ قۇرامىنا تاراپتاردىڭ ٶكٸلدەرٸ كٸرەدٸ. ونداعى ماقسات بٸرلەسكەن دامۋ جوبالارىن قۇرۋ جەنە كەڭەيتۋ بولماق.
قۇجات اياسىندا سبا-نىڭ رەسەي فەدەراتسيياسى ٶڭٸرلەرٸنٸڭ ينۆەستيتسييالىق كليماتىنىڭ رەيتينگٸن قۇرۋداعى تەجٸريبەسٸن ەسكەرە وتىرىپ قازاقستان ٶڭٸرلەرٸنٸڭ ينۆەستيتسييالىق تارتىمدىلىعى رەيتينگٸ جاسالادى.
«رەيتينگ باسقارۋ توبىن تۇراقتى ٶزگەرٸستەرگە ىنتالاندىرادى. بۇل تەجٸريبە ەرٸپتەستەرٸمٸزگە پايدالى بولادى دەپ ٷمٸتتەنەمٸز. وسى باعىتتاعى جۇمىستاردى بٸرلەسٸپ اتقارامىز», - دەدٸ سبا باس ديرەكتورى سۆەتلانا چۋپشەۆا.
«كەلٸسٸمگە قول قويۋ بٸز ٷشٸن ازاماتتاردىڭ ٶمٸرٸن جاقسارتۋعا باعىتتالعان جوبالار مەن باستامالاردى بٸرلەسە دايىنداۋ مەن ٸلگەرٸلەتۋگە ٷلكەن مٷمكٸندٸكتەر ۇسىنادى. ەكٸ ەلدٸڭ بٸلٸم بەرۋ, تەحنولوگييا, ينۆەستيتسييالىق كليمات, تۋريزم مەن ەكولوگييانى دامىتۋ بويىنشا بٸرلەسكەن باستامالاردى سەتتٸ ٸسكە اسىرۋ جالپى وسى ٶڭٸردٸڭ دامۋىنا ىقپال ەتپەك», دەدٸ سجرا تٶراعاسى قايرات كەلٸمبەتوۆ.
ٶز تاراپىنان احقوە قازاقستان رەسپۋبليكاسىنداعى ينۆەستيتسييالىق مٷمكٸندٸكتەر مەن شەتەلدٸك ينۆەستورلاردى مەملەكەتتٸك قولداۋ جٷيەسٸ, سونىمەن قاتار «استانا» حالىقارالىق قارجى ورتالىعى ۇسىنىپ وتىرعان ٶنٸمدەر مەن قىزمەتتەر سەكٸلدٸ ىنتىماقتاستىقتىڭ جاڭا باعىتتارى تۋرالى اقپاراتتاندىرىپ وتىرماق.
ۇتب پلاتفورماسى بٸلٸم بەرۋ, جٷرگٸزۋشٸسٸز كٶلٸك, ەكولوگييالىق مونيتورينگ, مەديتسينا جەنە ٶزگە دە سالالارداعى بٸرلەسكەن باعدارلامالاردى جەنە ٷلكەن مەلٸمەتتەرمەن جۇمىس ٸستەيتٸن مامانداردى دايىنداۋ مەن بٸلٸكتٸلٸكتەرٸن جەتٸلدٸرۋ باعدارلامالارىن جوبالاۋعا كٶمەك كٶرسەتەدٸ
