Elimizde Memleket basshysynyń tapsyrmasyna sáikes «Ónerkásipti damytý qory» AQ quryldy, dep habarlaidy "Ult aqparat" QR Indýstriia jáne infraqurylymdyq damý ministrlginiń baspasóz qyzmetine silteme jasap.
Qor Indýstriialyq damý jáne Nurly jol memlekettik baǵdarlamalarynyń qarjy operatory -« QDB-Lizing» AQ bazasynda quryldy.
Memleket basshysy 2020 jylǵy 1 qyrkúiektegi «Jańa jaǵdaidaǵy Qazaqstan: is-qimyl
kezeńi» atty Qazaqstan halqyna Joldaýynda atap ótkendei, elimizdiń aldynda turǵan mańyzdy mindet - ónerkásiptik áleýetti barynsha damytý.
Úkimet aldyna ishki jáne syrtqy naryqtarda óńdeý ónerkásibi kásiporyndarynyń básekege
qabilettiligin arttyrý boiynsha mindetter qoiyldy. Sonymen qatar Memleket basshysy óńdeý ónerkásibiniń óndirisin bes jyl ishinde kem degende 1,5 ese arttyrýdy tapsyrdy.
Indýstriia jáne infraqurylymdyq damý ministrligi QDB-Lizingimen birlesip óńdeý ónerkásibiniń otandyq kásiporyndaryn jańǵyrtý jáne otandyq óndiris taýarlaryna suranysty yntalandyrý jónindegi baǵdarlamalardy iske asyrýda.
Qordy qurý óńdeýshi ónerkásiptiń otandyq kásiporyndaryn memlekettik qoldaý sharalaryn
keńeitýge múmkindik beredi. Qor otandyq kásiporyndardy 3% - dan aspaityn mólsherleme boiynsha qoljetimdi qarjylandyrýdy qamtamasyz etýge baǵyttalatyn bolady.
Qor qyzmetiniń negizgi basymdyǵy aǵymdaǵy jyldyń qyrkúieginde Memleket basshysynyń «Jańa jaǵdaidaǵy Qazaqstan: is-qimyl kezeńi» atty Qazaqstan halqyna Joldaýynda qoiylǵan mindetter sheńberinde strategiialyq investitsiialyq jobalardy iske asyrý bolady.
