Qazaqstanda Ónerkásipti damytý qory qurylady. Bul týraly Qazaqstan mashina jasaýshylarynyń VIII forýmynda QR Premer-Ministriniń orynbasary Roman Skliar aitty, dep habarlaidy QazAqparat.
«El Prezidenti Qasym-Jomart Toqaev «Jańa jaǵdaidaǵy Qazaqstan: is-qimyl kezeńi» atty Joldaýynda 5 jyldyń ishinde óńdeý ónerkásindegi óndiris kólemin keminde 1,5 esege arttyrý týraly naqty tapsyrma júktedi. Otandyq mashina jasaý óńdeý ónerkásibiniń lokomativi boldy jáne el basshylynyń basty nazarynda qala beredi. Búginde otandyq mashina jasaý kásiporyndary Qazaqstannyń damý banki, «Qarapaiym zattar ekonomikasy», «Biznestiń jol kartasy - 2025» baǵdarlamalary tetikterin qosa alǵandaǵy jeńildikpen qarjylandyrýdan bastap, jeńildikti lizing pen eksportty ilgerletetin tetikterin paidalaný arqyly satýǵa deiingi memlekettik qoldaýdyń keshendi sharalaryn qoldana alady», - dedi ol.
Roman Skliardyń atap ótýinshe, Úkimet pen Ulttyq kásipkerler palatasynyń birlesken alańynda qarapaiym zattar ekonomikasy baǵdarlamasyn júzege asyrýdyń negizgi máselelerin jedel sheshetin Jobalyq keńse jumys isteidi. Onyń aiasynda kásipkerlik sýbektilerin barynsha qamtý úshin qyzmetter kodynyń tizbesi keńeitildi, qarjylandyrýdyń paiyzdyq mólsherlemesi 6 paiyzǵa deiin tómendetildi, jergilikti atqarýshy organdar úshin jergilikti qamtý boiynsha KPI belgilendi.
«Atalǵan tetikterge qosymsha Ónerkásipti damytý qory dep atalatyn jańa tiimdi tetik paida bolady. Qazaqstannyń mashina jasaýdy damytýǵa járdemdesý maqsatynda 2019-2024 jyldarǵa arnalǵan salany damytý jónindegi jol kartasy júzege asyrylýda. 2020 jyldyń 8 aiynyń qorytyndysynda mashina jasaý salasy 16 paiyz ósim kórsetti. Osy nátijeniń barlyǵy memleket pen biznestiń qajyrly eńbegi», - dedi Roman Skliar.
