Foto ashyq derekkózden alyndy
QR Oqý-aǵartý ministrligi orta bilim komitetiniń málimetinshe, qazirgi tańda oqýlyqtardyń 80%-y tsifrlyq formatqa kóshirilgen. Tsifrlyq nusqadaǵy oqýlyqtar memlekettik saraptamadan ótip, oqý-ádistemelik keshender tizimine engizildi, dep habarlaidy ministrliktiń baspasóz qyzmeti.
Tsifrlyq oqýlyqtardy ázirleýge elimizdiń 11 baspasy tartylǵan. Sondai-aq pánderdi oqytýdyń innovatsiialyq tásilderin engizý maqsatynda pedagogterdiń ony paidalanýy úshin ádistemelik usynymdar ázirlenip, oqytylǵan.
«Qazirgi kúni elimizdegi bastaýysh synyp oqýlyqtarynyń 94 paiyzy, 5-9 synyp oqýlyqtarynyń 81 paiyzy, 10-11 synyp oqýlyqtarynyń 61 paiyzy elektrondy nusqaǵa kóshirilgen. 2024 jyly pánderdi tsifrlyq oqýlyqtarmen 100% qamtý josparlanǵan», – deidi orta bilim komitetiniń tóraǵasy Qanybek Jumashev.
"Elektrondyq oqýlyqtarmen qatar mektepterde qosymsha oqý materialy retinde mýltimedialyq kontenti bar tsifrlyq bilim berý resýrstary belsendi qoldanylady. Qazirgi kúni 50 myńnan asa tsifrlyq bilim berý resýrsy jasaldy. 2023 jyldan bastap Tsifrlyq bilim berý resýrstaryna 6,7 myń mektep qosyldy. Bul resýrstardy búginde kún saiyn 3 millionǵa deiin oqýshy men muǵalim qoldanyp keledi. Tsifrlyq bilim resýrstarynda barlyq synyptardy qamtityn 50 myńnan asa beinesabaq jariialanǵan" - delingen habarlamada.
