Sarapshylar men keibir mektep ókilderi Qazaqstandaǵy oqý jylyn maýsymnyń sońyna deiin uzartýdy usyndy. Bul týraly mamandar 2022-2023 jyldarǵa arnalǵan bilim berý protsesin talqylaýǵa arnalǵan dóńgelek ústelde málimdedi, - dep habarlaidy Tengrinews.kz agenttigi Altynsarin atyndaǵy Ulttyq bilim akademiiasynyń baspasóz qyzmetine silteme jasap.
Mamandardyń sózinshe, qosymsha oqý aptasyn qosý kúnine ótetin sabaq sanyn azaitýǵa, iaǵni oqýshynyń kúndelikti oqý júktemesin azaitady. Odan bólek, oqý jylyn uzartý kúrdeli taqyryptardy zertteýdiń qarqyndylyǵyn tómendetedi. Sondai-aq, jazǵy demalys uzaqtyǵyn qysqartý bilim alýshylardyń bilimin joǵaltý táýekelin jáne mektep aýditoriialyq qoryna júktemeni tómendetedi.
"Elimiz oqý jylyndaǵy aptasy eń az elmiz - 34 oqý aptasy bar. Degenmen álem boiynsha kanikýl eń uzaq elderdiń birimiz - jylyna 130 kún. Salystyrmaly túrde Izrailde kanikýl 84 kún, Ońtústik Koreiada - 90 kún, Japoniiada - 102 kún. Zertteýlerge sáikes, balalar uzaq demalǵannan keiin oqyǵan materialdyń 25 paiyzyn umytyp qalady. Sondyqtan qazaqstandyq mektepterdegi oqý jylyn 38 aptaǵa sozýdy usyndyq - oqý jylyn 15 tamyzdan bastap 5 maýsymda aiaqtaý. Nemese burynǵydai qyrkúiekten bastap, 20 maýsymǵa deiin sozý", - deidi Binom School basqarýshy direktory Arailym Maǵzumova.
