Foto: t.me/mazhilis_kz
Osydan birer kún buryn Májilis veipke tyiym salatyn zańdy qabyldady. Al temekige nelikten tyiym salynbaidy? Bul suraqqa Parlament Májilisiniń depýtaty Nurgúl Taý men Densaýlyq saqtaý ministrligi meditsinalyq kómek uiymy direktorynyń orynbasary Gúlnar Sársenbaeva Jibek Joly telearnasynda «Fokýs vnimaniia» baǵdarlamasynda jaýap berdi, dep habarlaidy Kazinform agenttigi.
Gúlnar Sársenbaevanyń aitýynsha, sarapshylar temekiniń quramyn zerttep, onyń saldaryn anyqtaǵan.
Alaida, veiptiń quramy týraly áli naqty aqparat joq. Onyń quramynda nikotin, glitserin jáne propilenglikoldiń bary belgili.
«Veip aýditoriiasy balalar men jasóspirimderge baǵyttalǵan. Eresek adamdar temekiniń ziiany men saldaryn biledi. Iaǵni temeki shegý nemese tastaýdy ózi sheshedi. Al tolyq qalyptaspaǵan balalar men jasóspirimderdi marketing indýstriiasy túrli-tústi qaptamamen qyzyqtyryp, tartyp otyr. Búginde táttilerdiń, kofeniń taǵy basqa hosh iistiń 16 myń túri bar. Eger jasóspirim temeki shegetin bolsa, ata-anasy iis arqyly anyqtap, shara qoldana alady. Al qazir ata-ana ajyrata almaidy, óitkeni veiptiń iisi de, dámi de joq», - dedi Gúlnar Sársenbaeva telebaǵdarlama efirinde.
Sondai-aq, spiker temekiniń de, vaiptiń de quramynda nikotin bar ekenin atap ótti. Ol táýeldilik týǵyzady, balalardyń miynyń damýyn toqtatady.
Ony qoldanatyn bala oqý baǵdarlamasyn baisaldy qabyldai almaidy jáne minez-qulqyn durys basqarmaidy.
