Qazaqstanda nan óndirisi tómendedi. 2021 jylǵy qańtardan qarashaǵa deiin elde bir jyl burynǵyǵa qaraǵanda 14,8 paiyzǵa az nan óndirildi, - dep habarlaidy Tengrinews.kz tilshisi energyprom.kz saityna silteme jasap.
Sarapshylar 2021 jyldyń qańtarynan qarashasyna deiin elde 483,6 myń tonna nan óndirilgenin, bul bir jyl burynǵyǵa qaraǵanda 15 paiyzǵa az ekenin aitty. Eń kóp nan Túrkistan oblysynda óndirilgen: 119,8 myń tonna. Jetekshi úshtikke Almaty (56,8 myń tonna) jáne Aqtóbe oblysy (46,6 myń tonna) kiredi. Taldaýda 2020 jyly nan óndirisi 4,2 paiyzǵa tómendegeni jáne bul besinshi jyl qatarynan jalǵasyp kele jatqany kórsetilgen.
2021 jyldyń jeltoqsanynda nan baǵasy bir jylda 7,4 paiyzǵa jáne bir aida 0,4 paiyzǵa ósti. Onyń ishinde qara bidai nany jylyna 11,6 paiyzǵa, joǵary surypty bidai nany - 7,4 paiyzǵa, birinshi surypty unnan - 6,9 paiyzǵa qymbattaǵan.
Óńirler arasynda bir jyl ishinde nan Nur-Sultan (19,3 paiyz), sondai-aq Soltústik Qazaqstan (14 paiyz) jáne Aqmola (12,8 paiyz) oblystarynda qymbattaǵan. Iri qalalar ishinde eń qymbat nan elordada, joǵary surypty unnan jasalǵan eń arzan bidai nany - Aqtóbede.
2021 jyldyń úshinshi toqsanynda bir adamǵa nan tutyný birinshi surypty unnan 8,5 kilogramm bidai nany, 700 gramm qara bidai jáne qara bidai nany boldy.
