Aýyl sharýashylyǵy ministri Erbol Qarashókeev bidai baǵasynyń ósýine bailanysty pikir bildirdi, - dep habarlaidy Tengrinews.kz.
"Bidai baǵasy ósip jatyr, endi nan qymbattai ma? Qazaqstanda un tapshylyǵy bola ma?" - dep surady jýrnalister Úkimet otyrysynan keiingi brifingte.
Qarashókeev bidaidyń álemdik baǵasy ósip kele jatqanyn joqqa shyǵarmady.
"Elde bidai qoryn "Azyq-túlik kelisimshart korporatsiiasy" UK" qalyptastyrdy. Biz qazir nan baǵasyn ustap qalý úshin óńirlerge arzandatylǵan astyq jetkizýdi qamtamasyz etip jatyrmyz. Sondyqtan baǵa turaqty bolady. Nan baǵasynyń ósýine negiz joq, bolmaidy da. Sebebi ishki naryqty qamtamasyz etý úshin bizdiń múmkindigimiz jetkilikti", - dep jaýap berdi ministr.
