2025 jylǵa deiin Qazaqstanda munai jáne gaz-himiia salasynda 5 zaýyttyń qurylysy aiaqtalady. Bul týraly QR Energetika ministrliginiń alqa májilisinde vedomstvo basshysy Nurlan Noǵaev aitty, dep habarlaidy "Ult aqparat".
Memleket basshysy QR Úkimetiniń keńeitilgen otyrysynda munai jáne gaz-himiia óndirisin jedeldetý boiynsha sharalar qabyldaý, sondai-aq áleýetti investorlar úshin tartymdy jaǵdailar jasaý mindetin qoidy.
Bul máseleni sheshý mynadai túrde usynylady: biyl Munaigaz-himiiany damytý jónindegi 2025 jylǵa deiingi ulttyq jobany ázirleý josparlanýda, ol máselelerdi sheshýge basa nazar aýdara otyryp, salany naqty damytýǵa múmkindik beredi.
Atap aitqanda: munaigaz-himiia jobalaryn shikizatpen qamtamasyz etý, munaigaz-himiia klasterin qurý; odan ári qaita bólýdi damytý.
«Sonymen qatar, Sheteldik investorlar keńesiniń tapsyrmasy aiasynda MGH jobasyn iske asyrý kezinde onyń qajettilikterin eskere otyryp, Úkimet pen investor arasynda jeke kelisim ázirleý pysyqtalýda. Bul sharalar 2025 jylǵa qarai 5 zaýyttyń qurylysyn aiaqtaýǵa múmkindik beredi», - dedi N. Noǵaev.
Osylaisha, kútiletin nátije:
- óndiris kólemi 9 esege artyp, 2 mln tonna munaigaz-himiia ónimin quraidy;
- el ekonomikasyna investitsiialar kólemi shamamen 3,9 mlrd AQSh dollaryn quraidy.
«Osylaisha, bazalyq munaigaz-himiia ónimderin óndirý munaigaz salasynda tereń óńdeýdi damytý úshin berik negiz bolady, bul bizdiń shikizat ekonomikasyn ártaraptandyrý jáne tehnologiialyq damýǵa umtylý jónindegi strategiiamyzǵa sáikes keledi», - dedi ministr.
