2025 جىلعا دەيٸن قازاقستاندا مۇناي جەنە گاز-حيمييا سالاسىندا 5 زاۋىتتىڭ قۇرىلىسى اياقتالادى. بۇل تۋرالى قر ەنەرگەتيكا مينيسترلٸگٸنٸڭ القا مەجٸلٸسٸندە ۆەدومستۆو باسشىسى نۇرلان نوعاەۆ ايتتى, دەپ حابارلايدى "ۇلت اقپارات".
مەملەكەت باسشىسى قر ٷكٸمەتٸنٸڭ كەڭەيتٸلگەن وتىرىسىندا مۇناي جەنە گاز-حيمييا ٶندٸرٸسٸن جەدەلدەتۋ بويىنشا شارالار قابىلداۋ, سونداي-اق ەلەۋەتتٸ ينۆەستورلار ٷشٸن تارتىمدى جاعدايلار جاساۋ مٸندەتٸن قويدى.
بۇل مەسەلەنٸ شەشۋ مىناداي تٷردە ۇسىنىلادى: بيىل مۇنايگاز-حيمييانى دامىتۋ جٶنٸندەگٸ 2025 جىلعا دەيٸنگٸ ۇلتتىق جوبانى ەزٸرلەۋ جوسپارلانۋدا, ول مەسەلەلەردٸ شەشۋگە باسا نازار اۋدارا وتىرىپ, سالانى ناقتى دامىتۋعا مٷمكٸندٸك بەرەدٸ.
اتاپ ايتقاندا: مۇنايگاز-حيمييا جوبالارىن شيكٸزاتپەن قامتاماسىز ەتۋ, مۇنايگاز-حيمييا كلاستەرٸن قۇرۋ; ودان ەرٸ قايتا بٶلۋدٸ دامىتۋ.
«سونىمەن قاتار, شەتەلدٸك ينۆەستورلار كەڭەسٸنٸڭ تاپسىرماسى اياسىندا مگح جوباسىن ٸسكە اسىرۋ كەزٸندە ونىڭ قاجەتتٸلٸكتەرٸن ەسكەرە وتىرىپ, ٷكٸمەت پەن ينۆەستور اراسىندا جەكە كەلٸسٸم ەزٸرلەۋ پىسىقتالۋدا. بۇل شارالار 2025 جىلعا قاراي 5 زاۋىتتىڭ قۇرىلىسىن اياقتاۋعا مٷمكٸندٸك بەرەدٸ», - دەدٸ ن. نوعاەۆ.
وسىلايشا, كٷتٸلەتٸن نەتيجە:
- ٶندٸرٸس كٶلەمٸ 9 ەسەگە ارتىپ, 2 ملن توننا مۇنايگاز-حيمييا ٶنٸمٸن قۇرايدى;
- ەل ەكونوميكاسىنا ينۆەستيتسييالار كٶلەمٸ شامامەن 3,9 ملرد اقش دوللارىن قۇرايدى.
«وسىلايشا, بازالىق مۇنايگاز-حيمييا ٶنٸمدەرٸن ٶندٸرۋ مۇنايگاز سالاسىندا تەرەڭ ٶڭدەۋدٸ دامىتۋ ٷشٸن بەرٸك نەگٸز بولادى, بۇل بٸزدٸڭ شيكٸزات ەكونوميكاسىن ەرتاراپتاندىرۋ جەنە تەحنولوگييالىق دامۋعا ۇمتىلۋ جٶنٸندەگٸ ستراتەگييامىزعا سەيكەس كەلەدٸ», - دەدٸ مينيستر.
