Qazaqstanda 45 baladan mýltisistemalyq qabyný sindromy anyqtalǵan. Bul týraly Ortalyq kommýnikatsiialar ortalyǵynda ótken qazirgi epidemiologiialyq jaǵdai jáne qabyldanyp jatqan karantindik sharalar týraly onlain brifingide QR Densaýlyq saqtaý ministrliginiń resmi ókili Baǵdat Qojahmetov aitty, dep habarlaidy QazAqparat.
«Mýltisistemalyq qabyný sindromy anyqtalǵan balalarǵa toqtalyp ótsem: búgingi tańda 45 jaǵdai tirkelgen. Jas ereksheligi boiynsha, eki bala 1 jasqa tolmaǵan. 1-5 jas aralyǵynda – 11 bala, 5-17 jasqa deiin – 28 bala tirkeldi. Ókinishke orai, Nur-Sultan jáne Almaty qalalarynda 2 bala qaitys boldy», - deidi QR Densaýlyq saqtaý ministrliginiń resmi ókili Baǵdat Qojahmetov.
Onyń aitýynsha, eń kóp jaǵdai elordada tirkelip otyr.
«Elordada 11 bala, Aqmola jáne Qaraǵandy oblystarynda, Almaty qalasynda - 5 jaǵdai, ShQO-da jáne Shymkent qalasynda - 3 jaǵdai, Aqtóbe, Atyraý óńirlerinde taǵy da 2 jaǵdaidan, Almaty qalasy, Jambyl, Mańǵystaý jáne Túrkistan oblysynda bir jaǵdaidan tirkelip otyr. Qazirgi ýaqytta 38 bala jazylyp shyqty. Bireýi statsionarda áli de emdelýde», - deidi ol.
