Memlekettik qyzmet isteri agenttigi ministrlerdiń, ákimderdiń jáne olardyń orynbasarlarynyń ortasha jasyn atady, - dep habarlaidy Tengrinews.kz.
Agenttik eldegi memlekettik qyzmetshilerdiń ortasha jasy 2022 jyly 39,7 bolǵanyn habarlady. Bul úsh jyl burynǵyǵa qaraǵanda azdap joǵary (2019 jyly 39 jas).
Bul rette ministrlerdiń, olardyń birinshi orynbasarlary men basqa da orynbasarlarynyń ortasha jasy biyl 45,7 boldy. Sońǵy úsh jylda ministrler bir jylǵa derlik "jasardy" - 2019 jyly 46,6 jas bolǵan.
Oblystar, respýblikalyq mańyzy bar qalalar, astana ákimderiniń jáne olardyń orynbasarlarynyń ortasha jasy biyl - 48.
Ministrlerdiń arasynda eń jasy - ulttyq ekonomika ministri Álibek Qýantyrov. Ol 38 jasta. Óńir ákimderiniń ishinde eń jasy Shymkent qalasynyń 40 jastaǵy ákimi Murat Áitenov.
Ministrler kabinetinde eń úlkeni - indýstriia jáne infraqurylymdyq damý ministri Qaiyrbek Óskenbaev pen IIM basshysy Marat Ahmetjanov. Olar 57 jasta. Óńir basshylary arasynda joǵary býyn sheneýnikteriniń eń úlkeni - ShQO ákimi Danial Ahmetov, ol 67 jasta.
Eske salaiyq, buǵan deiin Ulttyq statistika biýrosy el halqynyń ortasha jasy 2022 jyly 31,8 jas bolǵanyn habarlady.
