Fotokollaj AR / foto ehonews.kz / otyrar.kz
Qazaqstanda mindetti beinebaqylaý erejeleri qabyldandy, - dep habarlaidy "Ult aqparat" Bas prokýratýranyń baspasóz qyzmetine silteme jasap.
27 aqpanda Bas prokýratýranyń bastamasy boiynsha qylmystyq qýdalaý organdary politsiianyń penitentsiarlyq mekemeleri men qyzmettik úi-jailarynda, sondai-aq quqyq qorǵaý organdarynyń barlyq jedel-tergeý bólimshelerinde beinebaqylaý júieleriniń jumys isteý (jaraqtandyrý jáne paidalaný) qaǵidalaryn bekitken.
Beinebaqylaý júieleri jeke gigiena oryndaryn qospaǵanda, kelýshilerdiń júrý marshrýttary men rejimdik kabinetterdi de qamtidy. Beinejazbalardy naqty ýaqyt rejiminde qashyqtan qaraýǵa jáne zańbuzýshylyqtardyń jolyn kesý jóninde jedel sharalar qabyldaýǵa quqyǵy bar adamdardyń tizbesi qalyptastyrylǵan.
Bul sharalar Qazaqstan ratifikatsiialaǵan azaptaýǵa qarsy halyqaralyq aktilerge sáikes keledi jáne tergeýdiń ruqsat etilmegen ádisterin boldyrmaýǵa baǵyttalǵan.
"Beinejazbalardy advokattar, jábirlenýshiler, kúdiktiler, aiyptalýshylar, sot jáne basqa organdar dálel retinde paidalana alady. Organdar basshylarynyń beinebaqylaý júieleriniń jaramdylyq jai-kúiin qamtamasyz etý, paidalanýdyń materialdyq-tehnikalyq qamtamasyz etý jáne beine arhivtiń saqtalýy úshin tikelei jaýapkershiligi kózdelgen. Qaǵidalar Memleket basshysynyń 2020 jylǵy 1 qyrkúiektegi "jańa jaǵdaidaǵy Qazaqstan: is-qimyl kezeńi" atty Qazaqstan halqyna Joldaýyn iske asyrý sheńberinde ázirlendi, bul azamattardyń quqyqtarynyń buzylýyna qarsy is-qimyl jónindegi taǵy bir pármendi tosqaýylǵa ainaldy", - delingen habarlamada.
