Qazaqstanda migratsiialyq beiin jasalady. Bul týraly búgin QR Eńbek jáne halyqty áleýmettik qorǵaý ministri Birjan Nurymbetov aitty, dep habarlaidy "Ult aqparat".
«Ministrliktiń Halyqaralyq kóshi-qon uiymymen birlesken taǵy bir bastamasy - Qazaqstan Respýblikasynda keńeitilgen migratsiialyq profil jasaý. Bul - eldik qujat. Onda kóshi-qon salasyndaǵy jalpy ahýaldy baǵalaý úshin jan-jaqty statistikalyq jáne saraptamalyq aqparat qamtylady», - dedi ministr «Qazaqstandaǵy kóshi-qon: Problemalar, tendentsiialar, perspektivalar» atty respýblikalyq dóńgelek ústel otyrysynda.
Onyń atap ótýinshe, munan ary atalǵan migratsiialyq beiin faktili málimetterge negizdelgen jekelegen strategiialyq baǵyt ázirleýge múmkindik beredi.
«Buǵan qosa, kóshi-qon zańnamasyn jetildirý maqsatynda «Kóshi-qon protsesterin retteý máseleleri boiynsha QR keibir zańnamalyq aktilerine ózgerister men tolyqtyrýlar engizý týraly» zań jobasy Parlament Májilisinde qaralyp jatyr. Zań jobasy eńbek immigranttaryn tartý tetikterin jetildirý, ákimshilik jaýapkershilikke tartylǵan migranttardyń máselelerin sheshý, sondai-aq ulttyq zańnamaǵa readmitsiia boiynsha halyqaralyq normalardy engizý sharalaryn qarastyrady», - dedi Birjan Nurymbetov.
