2011-2017 jyldary Ulttyq ekonomika ministrligi qurǵan tizilimdegi memlekettik qyzmet sany 5 jáne 5,5 esege artqan. Bul týraly Úkimet saǵatynda Májilis depýtaty Vladimir Bojko aitty, dep habarlaidy "Ult aqparat" Baq.kz portalyna silteme jasap.
«Qazaqstan Respýblikasy Úkimeti janyndaǵy vedomstvoaralyq komissiia memlekettik qyzmet tizilimin turaqty túrde baqylap turady. Olar qajetti qyzmetterdi qosyp, tiimsizderin qysqartady. 2011-2017 jyldary Ulttyq ekonomika ministrligi qurǵan tizilimdegi memlekettik qyzmet sany 5 jáne 5,5 esege ulǵaiǵan. Qazir olardyń sany 746-ǵa jetip otyr. Memlekettik korporatsiia arqyly 306, elektrondyq túrde 443, jergilikti memlekettik organdar arqyly 191 memlekettik qyzmet kórsetiledi. «Elektrondyq Úkimet» veb-portaly komponentteriniń kómegimen 435 ruqsat berý qujaty men 86 litsenziiasy beriledi. Barlyǵy 6 mln portal paidalanýshysy tirkelgen. Olarǵa 180 mln elektrondyq qyzmet kórsetilip, 3 mln litsenziia men ruqsat berilgen», - dedi Bojko.
