Qazaqstanda memlekettik qyzmet kórsetý sapasyn monitoringileý boiynsha áleýmettik zertteýler júrgizý aiaqtaldy. Ol Memlekettik qyzmet isteri jónindegi agenttiktiń memlekettik áleýmettik tapsyrysy aiasynda atqaryldy, dep habarlaidy QazAqparat.
«Zor rýh» qaiyrymdylyq qorymen júrgizilgen monitoring maqsaty - Qazaqstanda memlekettik qyzmet kórsetý sapasyna, rásimderine jáne qoljetimdiligine qazaqstandyqtardyń qanaǵattanýy deńgeiin anyqtaý. Monitoringpen 65 eń áleýmettik-mańyzdy degen memlekettik qyzmet kórsetýler qamtyldy. Olardyń ishinde jyljymaityn múlikke quqyqty memlekettik tirkeý, memlekettik áleýmettik járdemaqy taǵaiyndaý, mektepke deiingi balalar uiymdaryna baǵyttaý úshin mektep jasyna deiingi balalardy kezekke qoiý, jedel meditsinalyq járdem shaqyrý, taýarlardy kedendik tazartý, QR Qarýly Kúshteriniń qyzmettik turǵyn úige muqtaj áskeri qyzmetkerlerin tirkeý, memlekettik ataýly áleýmettik kómekti taǵaiyndaý jáne turǵyndar úshin mańyzdy ózge de qyzmetter qamtyldy», - delingen Memlekettik qyzmet isteri jónindegi agenttiktigi málimetinde.
Memlekettik qyzmet kórsetý sapasy aqparat, qoljetimdilik, qyzmetkerler, rásimder, merzimder, shyǵyndar, keri bailanys, nátije siiaqty kriterilermen baǵalandy. Memlekettik qyzmetterdi alý úshin respondentter standarttarǵa sáikes, atalǵan qyzmetter kórsetetin organdar jumysyna bailanysty ártúrli qurylymdar men uiymdarǵa júgindi.
Belgili bolǵandai, suraý salý qorytyndysy boiynsha 14219 qyzmetalýshy qamtyldy. Olardyń jartysynan sál astamy (51,5%) tiisti memlekettik qyzmet kórsetetin keńselerge júgingen. Al 40,3 paiyz jaǵdaiynda olar HQKO júgingendigen, tek sonyń 1,6 paiyzy HQKO-da ózine-ózi qyzmet kórsetý aimaǵynda memlekettik qyzmetti ala alǵan. Qyzmet alýshylardyń qalǵan 8,2 paiyzy memlekettik qyzmetti ózderiniń mobildik qosymshasyndaǵy jáne kompiýterindegi portaldan alǵan.
Qoǵamdyq monitoring qorytyndysy boiynsha reitingte eń joǵary baǵany mynadai qyzmetter aldy: «Memlekettik emes obligatsiialardy shyǵarýdy memlekettik tirkeý», «Ótýge ruqsattama berý jáne shekaralyq beldeýde bolý», «Tehnikalyq jáne kásibi bilim berý uiymdarynda oqyp jatqandarǵa jataqhana berý», «Qujattardy qabyldaý jáne jalpy bilim berý, negizgi orta, bastaýysh jalpy bilim berý baǵdarlamalary boiynsha oqytý úshin vedomstvolyq baǵynyshtylyǵyna qaramastan, bilim berý uiymyna qabyldaý», «Ekonomikalyq shoǵyrlanýǵa kelisim týraly ótinishterdi qaraý», «Taýrlardyń jiktelimi týraly aldyn ala sheshim qabyldaý», «Mektepke deiingi balalar uiymdaryna baǵyttaý úshin mektepke deiingi (6 jasqa deiin) balalardy kezekke qoiý» jáne «Iondaýshy sáýlelerdi generatsiialaityn qurylǵylar men qondyrǵylarmen jumys isteýge ruqsattama berý».
Aitarlyqtai tómen baǵamen baǵalanǵandar: «Jedel meditsinalyq járdem», «Jyljymaityn múlikke quqyqty memlekettik tirkeý», «Múgedekterdi sanatorly-kýrorttyq emdeýmen qamtamasyz etý», «Taýarlyq belgini tirkeý», «Múgedekterge olarǵa protezdik-ortopediialyq kómek kórsetý úshin qujattardy rásimdeý» jáne ózgeleri.
