Foto: elements.envato.com
Ishki ister ministrligi esirtki, psihotroptyq zattar men prekýrsorlar tizimin keńeitedi, - dep habarlaidy Tengrinews.kz portaly.
Vedomstvo memleket baqylaýyna dáriler men prekýrsorlardyń taǵy 27 túrin engizý týraly Úkimet qaýlysynyń jobasyn ázirlegen. Atap aitqanda, taǵy 14 esirtki jáne 13 prekýrsor esirtkilik preparattar tizimine engiziledi.
"Bul tizimderde ainalymyn memleket baqylaityn myńnan asa zattar bar. Dárihanaǵa táýeldi nashaqorlyqpen kúresý maqsatynda psihotroptyq zattardyń tizimin tramadol - psihotroptyq analgetik tolyqtyrady, ony nashaqorlar eiforiia áserin alý úshin paidalanady jáne jalpy esirtkige táýeldiliktiń qalyptasýyna yqpal etedi", - dedi IIM brifinginde vedomstvo ókili Shuǵyla Turlybek.
Onyń aitýynsha, Úkimet qaýlysy kúshine engennen keiin tramadol tek retsept boiynsha jáne esirtki quraldary men psihotroptyq zattardyń ainalymyna litsenziiasy bar dárihanalar men emdeý-aldyn alý uiymdaryna ǵana beriledi.
"Qylmystyq jaýapkershilikke tartylatyn tramadoldyń biliktilik ólshemderi 0,1 gramǵa deiin - shaǵyn ólshem, 10 gramǵa deiin - úlken ólshem, 10 gramnan asa úlken ólshem bolyp anyqtaldy", - delingen habarlamada.
