Foto: stopfake.kz
Áleýmettik jelilerde "Ashyq NQA" portalynda mektepterde agressiianyń buryn-sońdy bolmaǵan deńgeige deiin artýyna túrtki bolatyn zań jobasy bar ekendigi týraly aqparat taratylýda. Oqý-aǵartý ministrligi bul aqparatqa qatysty pikirin bildirdi, - dep habarlaidy "Ult aqparat" Stopfake.kz saityna silteme jasap.
Habarlamada "Balalardy zorlyq-zombylyqtan, sýitsid preventsiiasynan qorǵaý jáne olardyń quqyqtary men ál-aýqatyn qamtamasyz etý jónindegi 2023-2025 jyldarǵa arnalǵan keshendi josparyn bekitý týraly" dep atalatyn normativtik-quqyqtyq akti týraly aitylǵan.
Qaznettegi jariialanym avtory mundai jospar AQSh-ta qabyldanǵanyn jáne bul mektepterde agressiianyń kúsheiýine ákeldi dep málimdeidi. QR Oqý-aǵartý ministrligi munyń bári shyndyqqa janaspaitynyn málimdedi.
"Messendjerler men áleýmettik jelilerde "Ashyq NQA" portalynda Balalardy zorlyq-zombylyqtan, sýitsid preventsiiasynan qorǵaý, olardyń quqyqtary men ál-aýqatyn qamtamasyz etý jónindegi 2023-2025 jyldarǵa arnalǵan keshendi jospar jobasynyń ornalastyrylǵandyǵy týraly taralǵan videoda jalǵan aqparat usynylǵan. Keshendi jospardyń jobasy balalardyń qaýipsizdigin, ál-aýqatyn qamtamasyz etýge jáne olarǵa qatysty quqyq buzýshylyqtardyń aldyn alýǵa baǵyttalǵan. Bul joba halyq arasynda keńinen talqylaý maqsatynda "Ashyq NQA" portalynda ornalastyryldy. Esterińizge sala keteiik, ata-analardyń basqa da barlyq adamdarǵa qaraǵanda óz balalaryn tárbieleýge basym quqyǵy bar. Bul quqyq "Neke (erli – zaiyptylyq) jáne otbasy týraly" QR kodeksiniń 70-babynda aiqyndalǵan", - delingen vedomstvo habarlamasynda.
Sondai-aq AQSh-ta mektepterdegi agressiia deńgeiiniń artýy qandai da bir zań jobalaryn qabyldaýmen bailanysty ekendigine eshqandai dálel joq. Qoryta aitqanda, taralǵan aqparatqa senýge bolmaidy.
