Qazaqstanda mektep formasyn tigýmen 20-ǵa jýyq kásiporyn ainalysady. Bul týraly Indýstriia jáne infraqurylymdyq damý ministrliginen málim etti, dep habarlaidy "Ult aqparat".
Jańa oqý jylyna oqýshylar men olardyń ata-analary ǵana emes, jeńil ónerkásip kásiporyndary da belsendi daiyndalýda. Durys tańdalǵan mektep formasy balanyń densaýlyǵy men jaqsy kóńil-kúiine áser etedi.
Ministrlikten málim etkendei, eń aldymen, mektep formasy gigienalyq talaptarǵa sai bolýy kerek. Iaǵni, balanyń densaýlyǵyna ziian keltirmeýi tiis. Óz kezeginde ata-analar bul kiimde bala 5-6 nemese odan da kóp saǵat ótkizetinin este ustaǵan jón. Sol sebepti eń aldymen, forma jasalǵan materialdyń sapasyna nazar aýdarý kerek.
Búginde Qazaqstanda 20-ǵa jýyq kásiporyn mektep formasyn tigýmen belsendi ainalysady. Uldar men qyzdarǵa arnalǵan mektep kiimderin Almaty qalasynyń«Angelcher» JShS, «Symbat» Sán Akademiiasy« JShS, «Semiramida« tigin firmasy» JShS, «Qazlegprom-Almaty» JShS, «ALTEX» JShS, «KazSPO-N» JShS jáne «KazteH» JShS kásiporyndary tigedi. Sondai-aq, osy baǵytta Soltústik Qazaqstan oblysynda«Lider PROF FASHION» JShS jáne Sens Fashion, Jambyl oblysynda «Alensiia» JShS, Pavlodar oblysynda «KazProfBezopasnost» JShS jáne Nur-Sultan qalasynda «Danmard» JShS jumys jasaidy. Sonymen qatar, Túrkistan oblysynda«GOLDENNOMAD» JShS Sairam aýdanynyń mektepterimen yntymaqtastyq týraly memorandýmǵa qol qoidy. Saryaǵash jáne Tólebi aýdandarynyń oqý oryndarymen kelisimge qol jetkizildi.
Mektep formasynyń úlgisi, túsi klassikalyq stilde, bir tústi gammada bolady jáne úshten artyq tús qosylmaýy tiis. Sondai-aq túster asa ashyq bolmaýy qajet. Bul rette mektep formasy bilim alýshylardyń jas erekshelikterin eskere otyryp engiziledi. Ol - kúndelikti, saltanatty jáne sporttyq bolyp bólinedi.
Uldarǵa arnalǵan mektep formasy: pidjak, keýdeshe, shalbar, saltanatty kóilek, kúndelikti kóilek (qysqy kezeń: trikotaj keýdeshe, vodolazka). Uldarǵa arnalǵan shalbar erkin pishilgen jáne uzyndyǵy tobyqty jabatyndai bolýy tiis.
Qyzdarǵa arnalǵan mektep formasy: pidjak, keýdeshe, beldemshe, shalbar, klassikalyq jeide (qysqy kezeń: trikotaj keýdeshe, sarafan, vodolazka). Qyzdarǵa arnalǵan shalbar erkin pishilgen jáne uzyndyǵy uzyndyǵy tobyqty jabatyndai bolýy tiis.
Mektep formasyna qoiylatyn talaptar klimattyq jaǵdailardy, sabaqtardy ótkizý ornyn jáne temperatýralyq rejimdi eskere otyryp engiziledi.
Kiimder tózimdiligi joǵary, bakteriiaǵa qarsy, mikrobqa qarsy jáne antistatikalyq qasietteri bar jartylai jún jáne maqta matalarynan tigiledi.
