Qazaqstanda 2020 jyldan bastap meditsinalyq JOO-nyń túlekterin aimaqtarǵa bólý avtomattandyrylady, dep habarlaidy "Ult aqparat" QR DSM baspasóz qyzmetine silteme jasap.
«QR Densaýlyq saqtaý ministrligi Meditsinalyq bilim men ǵylymdy jańǵyrtý boiynsha aýqymdy jumys júrgizdi. Máselen, 2019 jyldan bastap meditsinalyq JOO magistratýra men bakalavriat baǵdarlamasyna túsý tártibi birdei. Memlekettik tapsyrys boiynsha densaýlyq saqtaý salasyndaǵy bilim berý uiymdarynyń magistratýrasyna qabyldaý keshendi testileý nátijeleri boiynsha konkýrstyq negizde júrgizildi. Sondai-aq, biyldan bastap »densaýlyq saqtaý jáne áleýmettik qamtamasyz etý (meditsina)« bilim berý salasy boiynsha meditsinalyq JOO doktorantýraǵa túsýshiler bilim berý uiymyna 1 aqpan men 31 mamyr aralyǵynda qabyldaý emtihandarynyń bastalýyna deiin ótkizilgen aldyn ala irikteý nátijelerin usyndy. Bul kóp ótinishtiń ishinen ǵylymi jáne praktikalyq potentsialy bar jumysty tańdap alýǵa múmkindik berdi», delingen habarlamada.
Ministrliktiń málimetinshe, búginde meditsinalyq mamandyq boiynsha bilim alǵan túlekterdiń mindetti táýelsiz baǵasy zań júzinde bekitilgen. Iaǵni, endi meditsinalyq JOO tek meditsinalyq bilim berýmen ainalysatyn bolady, al testileý táýelsiz uiymda ótedi. Bilim men daǵdylardy baǵalaý nátijeleri boiynsha bilim alýshylarǵa diplom jáne maman sertifikaty beriledi.
«Sonymen qatar, biyldan bastap túlekter aimaqtarǵa QR Densaýlyq saqtaý ministrligi janyndaǵy azamattardy bólý jónindegi respýblikalyq komissiia deńgeiinde jartylai avtomatty rejimde bólinedi. Bul aýyl men qala arasyndaǵy kadr teńsizdigin tómendetedi jáne jas mamandardy tartý men jumysqa ornalastyrýda ákimdikterdiń jaýapkershiligine júkteidi, tolyǵyraq myna silteme arqyly tanysýǵa bolady.
Ministrlik 2020 jyldan bastap bul fýnktsiiany tolyǵymen avtomattandyrýdy jáne tsifrlandyrýdy josparlap otyr. Bul 2030 jylǵa deiingi naqty qajettilik boiynsha kadr daiyndaý men jumysqa ornalastyrýdy tiimdi josparlaýǵa kómektesedi», delingen habarlamada.
Biyl Dúniejúzilik meditsinalyq bilim federatsiiasy (VFMO - WFME World Federation for Medical Education) basqaratyn Eýropadaǵy meditsinalyq bilim berý boiynsha taqyryptyq jelige (Thematic Network on Medical Education in Europe-MEDINE) negizdelgen halyqaralyq jumys toby usynǵan halyqaralyq standarttarǵa sáikes ministrlik rezidentýranyń barlyq mamandyqtary boiynsha túlekterdiń tiptik oqý josparlary men quzyretterin qaita qarady.
«Otbasylyq meditsinasy» degen jańa mamandyq boiynsha rezidentýrada kadr daiarlaý bastaldy. Mindetti áleýmettik meditsinalyq saqtandyrý engizilgennen keiin alǵashqy meditsinalyq-sanitarlyq kómekti otbasylyq dáriger kórsetetin bolady. Ol birneshe mamandardyń oryn basý kerek. Bul mamandyqty engizý kez kelgen jastaǵy jáne kez kelgen patsientke jedel jáne sapaly meditsinalyq kómek kórsetýge múmkindik beredi.
Sonymen qatar «Jedel shuǵyl meditsinalyq kómek» mamandyǵy engiziledi. Shuǵyl kómek dárigeri kóp beiindi statsionardyń qabyldaý bólimshesinde jumys isteitin bolady», delingen habarlamada.
Biyl Úkimet qaýlysymen joǵary oqý oryndaryna qatysty birqatar meditsinalyq JOO zertteý mártebesi berildi. Olar: «S. Asfendiiarov atyndaǵy Qazaq ulttyq meditsinalyq ýniversiteti», «Qaraǵandy Medýniversiteti» AQ. Mártebe meditsinalyq jáne farmatsevtikalyq ǵylymdy damytýǵa; innovatsiialar men qazirgi zamanǵy zertteý ortalyǵy retinde joǵary oqý oryndarynyń jeke mártebesin arttyrýǵa; ǵylymǵa negizdelgen praktika úshin tiimdi jaǵdailar jasaýǵa, jastardy zertteý qyzmetine tartýǵa yqpal etedi. Nátijesinde meditsinalyq qyzmetkerlerdi daiyndaý sapasyn aitarlyqtai arttyrýǵa, ǵylymǵa negizdelgen, innovatsiialyq tehnologiialardy densaýlyq saqtaý salasyna praktika júzinde engizýge jáne tiisinshe halyqqa kórsetiletin meditsinalyq qyzmetterdiń sapasyn arttyrýǵa múmkindik beredi. Joǵary oqý oryndarynyń, ǴZI, UO ǵylymi potentsialyn arttyrý úshin strategiialyq josparlarǵa birinshi basshylardyń KPI ǵylym boiynsha indikatory, qyzmetkerlerdiń aǵylshyn tilin meńgerýi kiredi. Jetekshi sheteldik ortalyqtarmen strategiialyq áriptestik tájiribesi engizildi.
2019 jyly áleýmettik jelilerde on-line rejiminde (tikelei efirde) tórt meditsinalyq joǵary oqý oryndarynyń rektorlary (Astana Medýniversiteti, Semei Medýniversiteti, M. Ospanova atyndaǵy Batys Qazaqstan memlekettik meditsina ýniversiteti, Qaraǵandy medýniversiteti) laýazymdaryna arnaiy konkýrs ótkizildi.
Meditsinalyq JOO ýniversitettik klinikalardyń jáne integratsiialanǵan akademiialyq meditsinalyq ortalyqtardyń bolýy ýniversitet klinikalary retinde meditsinalyq JOO úlken kópsalaly klinikalardyń berilýi zańmen bekitilgen. Ýniversitet klinikasynyń mártebesi meditsinalyq joǵary oqý oryndarynyń qazirgi klinikalyq bazalary qyzmetiniń formatyn ózgertýge, ǵylym men tájiribeniń úsh birlestigin qamtamasyz etý negizinde olardyń qyzmetin qurýǵa, densaýlyq saqtaý kadrlaryn klinikalyq daiarlaýdyń sapasyn qamtamasyz etýge múmkindik beredi. Qazir M. Ospanov atyndaǵy Batys Qazaqstan memlekettik meditsinalyq ýniversiteti, Semei qalasynyń memlekettik meditsina ýniversiteti, Ulttyq meditsina ýniversitetinde klinika bar.
Budan basqa, joǵary oqý orny ishindegi saiasattyń negizgi baǵyttary (akademiialyq adaldyq, ashyqtyq, sybailas jemqorlyqqa qarsy is-qimyl) aiqyndaldy. Meditsinalyq JOO sybailas jemqorlyqqa qarsy is-qimyl, sybailas jemqorlyqqa qarsy is-qimyl salasyndaǵy qyzmetti kúsheitý boiynsha is-sharalar josparyn ázirledi, joǵary oqý orny ishindegi saiasattyń negizgi baǵyttaryn (akademiialyq adaldyq, ashyqtyq jáne sybailas jemqorlyqqa qarsy is-qimyl) túsindi. Sybailas jemqorlyq faktilerin anyqtaý maqsatynda stýdentter arasynda jasyryn saýalnama júrgiziledi.
Sonymen qatar, stýdenttermen júieli túrde sybailas jemqorlyqtyń kez kelgen kórinisterine qarsy bolýdy qalyptastyrý boiynsha tárbielik saǵattar ótkiziledi. Ýniversitet stýdentteri «senim jáshikteri» týraly jaqsy biledi, onda olar sybailas jemqorlyq boiynsha zań buzýshylyq faktileri týraly málimet qaldyra alady. Sondai-aq, ýniversitet hollynda sybailas jemqorlyqqa qarsy is-qimyl agenttigi departamentiniń ókili stýdenttik ombýdsmen týraly aqparat ornalastyrylǵan.
Tórt meditsinalyq JOO (MÝK, MÝS, QazUMÝ, BQMÝ) Qazaqstanda qurylǵan Akademiialyq adaldyq ligasynyń múshesi. Akademiialyq adaldyq ligasy - akademiialyq adaldyq pen onyń buzylýyna qarsy qaǵidattaryn engizý arqyly bilim berý sapasyn arttyrýdy kózdeitin ýniversitetter qaýymdastyǵy.
«Jalpy, ministrlik barlyq meditsinalyq JOO adaldyq, jaýapkershilik jáne transparenttilik qaǵidattaryn engizý boiynsha jumysty jalǵastyrady», delingen habarlamada.
