Qazaqstanda meditsinalyq qyzmetterdi monitoringileýdiń jańa ádisi engiziledi. Bul týraly búgin «Mindetti áleýmettik meditsinalyq saqtandyrý qory» UAQ basqarmasynyń tóraǵasy Bolat Tókejanov aitty, dep habarlaidy "Ult aqparat".
«2021 jyly qor mańyzdy jańalyq – proaktivti monitoringti engizýdi josparoap otyr. Onyń aiyrmashylyq ereksheligi – zań buzýshylyqtar anyqtalǵan sátte aiyppul sanktsiialarynyń joqtyǵy. Jetkizýshi kelisimshartqa qol qoiylǵan kúnnen bastap 45 kúnniń ishinde anyqtalǵan aqaýdy joiýy tiis. Ony joimaǵan jaǵdaida ekonomikalyq is-sharalar qoldanylady», - dedi ol QR Densaýlyq saqtaý ministrliginiń keńeitilgen alqa otyrysynda.
Onyń atap ótýinshe, osyǵan bailanysty meditsinalyq uiymdardyń basshylary patsientterdi qoldaý jáne sapanyń ishki saraptamasy qyzmetteriniń jumysyn kúsheitýi qajet.
«Sondai-aq meditsinalyq qujattamalardy toltyrý durystyǵy, dárigerlik taǵaiyndaýdyń tolyqtyǵy men der ýaqytynda oryndalýy boiynsha orta personaldar jumysynyń sapasyna júieli saraptama júrgizý qajet. Epidemiologiialyq ahýaldyń turaqtalýyna jáne COVID-19-ǵa qarsy vaktsinatsiianyń bastalýyn eskere otyryp, jelilik shkalany jańǵyrtýy jáne osy jyldyń ekinshi toqsanyna bastap aiypppul sanktsiialaryna moratoriidi alyp tastaýdy usynamyz», - dedi Bolat Tókejanov.
