Qazaqstan Ulttyq banki «Respýblika igiligi» monetalar seriiasynan nominaly 500 teńgelik «MEDEÝ» kúmis kollektsiialyq monetasyn ainalysqa shyǵaryp jatyr, dep habarlaidy "Ult aqparat".
MEDEÝ kollektsiialyq monetasy Ulttyq banktiń internet-dúkeninde satylady.
Satý kúni týraly aqparat QUB resmi saitynda qosymsha jariialanady.
Monetany onlain satý jáne jetkizý Ulttyq bank internet-dúkeniniń jańartylǵan platformasynda júzege asyrylady. Tapsyrystardy óńdeý belgili bir ýaqytty qajet etetindikten, moneta satý birneshe kúnge bólinedi.
MEDEÝ monetasy dizainynyń tujyrymdamasy ataqty bógettiń jáne «jarylystan týyndaǵan» muz aidynynyń paida bolý tarihyn sýretteidi.
Moneta dizainynyń grafikalyq tujyrymdamasy búkil álemge áigili «Medeý» biik taýly muz aidynyn qorshaǵan Ile Alataýynyń jartasty taýlaryn allegoriialyq qabyldaý negizinde jasalǵan.
Monetalar altyn jalatylǵan kúmisten jasalǵan. Massasy - 24 gramm, diametri - 37 mm, «proof» sapasy, taralymy – 3 000 dana. Moneta kollektsiialyq quny boiynsha satýǵa arnalǵan.
Moneta aversiniń ortalyq bóliginde «QAZAQSTAN RESPÝBLIKASY» jazbasynyń, moneta nominalyn jáne moneta daiyndalǵan metaldy, onyń synamasy men massasyn bildiretin jazbalardyń qorshaýynda Qazaqstan Respýblikasynyń Memlekettik Eltańbasy beinelengen.
Monetanyń reversinde ortada jartasty taýlar aiasynda biik taýly «Medeý» muz aidynynyń beinesi ornalasqan.
Kollektsiialyq moneta Qazaqstannyń teńge saraiynda daiyndalǵan.
