Jeńistiń 75 jyldyǵyn merekeleý qarsańynda, 1 025 UOS múgedek qatysýshysy jáne de Jeńiske úles qosqan ózge de azamattar sanatyna jalpy somasy 7,6 mlrd teńgege birjolǵy qarjylai kómek beriledi, dep habarlaidy "Ult aqparat" QR Eńbek jáne halyqty áleýmettik qorǵaý ministrligine silteme jasap.
Qarjylai kómek kelesi azamattar sanatyna arnalǵan:
Jeńiske úles qosqan UOS qatysýshylary men múgedekterine teńestirilgen tulǵa - 376 adam; UOS jyldarynda tylda eńbek etkender - 109 040 adam;
qorshaýdaǵy Leningrad qalasynda turǵandar - 87 adam; kámelet jasqa tolmaǵan kezinde kontslager, getto jáne basqa da májbúrli túrde qamap ustaý jerlerinde tutqynda bolǵandar - 289 adam; UOS kezinde qaza tapqan (habar-osharsyz ketken) áskeri qyzmetkerlerdiń, partizandar men astyrtyn áreket etýshilerdiń qaita turmysqa shyqpaǵan jubailary - 15 adam;
qaitys bolǵan soǵys múgedekteriniń áielderi - 4 866 adam.
QR Eńbek jáne halyqty áleýmettik qorǵaý ministrligi oblystar men respýblikalyq mańyzy bar qalalardyń ákimdikterine Ekinshi dúniejúzilik soǵysta jeńiske jetýge úles qosqan barlyq sanattaǵy azamattarǵa qarjylai kómektiń kepildendirilgen shekti mólsherin ornatýdy usyndy.
Nátijesinde, UOS qatysýshylary men múgedekterine birjolǵy materialdyq kómek keminde 500 myń teńge kóleminde belgilendi. Qorshaýda bolǵan Leningrad qalasynda turǵandar men kontslagerlerdiń burynǵy kámeletke tolmaǵan tutqyndary - keminde 50 myń teńge. Ekinshi dúniejúzilik soǵystyń qaitys bolǵan múgedekteriniń áielderine, Ekinshi dúniejúzilik soǵysta qaitys bolǵan jaýyngerlerdiń jesirlerine jáne Ekinshi dúniejúzilik soǵys jyldaryndaǵy tyl eńbekkerlerine - keminde 30 myń teńge.
Tólemder birqatar aimaqtarda, mysaly, Shyǵys Qazaqstan, Qostanai, Pavlodar oblystarynda jáne taǵy basqa óńirlerde júrgizildi.
Sondai-aq, Jeńistiń 75 jyldyǵyn merekeleý qurmetine, ardagerlerge dástúrli azyq-túlik qorjyny usynylady.
Sonymen qatar, barlyq ardagerlerdiń áskeri qyzmetshilerge qoldanylatyn quqyqtary men kepildikteri bar. Mysaly, olar jeńildikpen baspana alady, salyq jeńildigi bar, tegin meditsinalyq kómek pen shipajaida emdeledi.
Memleket tarapynan jyl saiyn respýblikalyq biýdjetten tólenetin zeinetaqy men járdemaqy mólsherin ulǵaitý boiynsha sharalar qabyldanýda. Búgingi kúni áleýmettik tólemderdiń ortasha jiyntyq mólsheri:
- Ekinshi dúniejúzilik soǵysqa qatysýshylarǵa - 164 542 teńge;
- Ekinshi dúniejúzilik soǵys múgedekterine - 169 762 teńge;
- Ekinshi dúniejúzilik soǵysqa qatysýshylarǵa teńestirilgen adamdarǵa - 156 000 teńge;
- Ekinshi dúniejúzilik soǵys múgedekterine teńestirilgen adamdarǵa - 109 427 teńge;
- Ekinshi dúniejúzilik soǵys jyldaryndaǵy tyl eńbekkerlerine - 107 577 teńge.
Esterińizge sala keteiik, búgin Parlament Senaty «Ardagerler týraly» zańyn qabyldady. Bul óz kezeginde 10 myńnan astam adamǵa alǵash ret basqa elder aýmaǵyndaǵy áskeri is-qimyl ardageri resmi mártebesin alýǵa múmkindik beredi.
Bul shara eń aldymen tájik-aýǵan telimindegi TMD syrtqy shekarasyn qorǵaýdy kúsheitýge, Taýly Qarabaqtaǵy ultaralyq qaqtyǵysqa, Iraktaǵy bitimgershilik operatsiiasyna jáne taǵy basqa áskeri is-qimyldarǵa qatysqan áskeri qyzmetkerlerge qatysty bolady.
Sonymen qatar, atalǵan zań ardagerlerge elimizdiń zańnamasynda belgilengen barlyq jeńildikter men kepildikterdiń sapasyn saraptaýdy kúsheitedi.
Nátijesinde, biyl Qazaqstanda ardagerlerdi memlekettik qoldaý 169 myńnan 181 myń adamǵa deiin artady.
