Memleket basshysy Qasym-Jomart Toqaev máslihattar qyzmetin keńeitý týraly aitty, dep habarlaidy "Ult aqparat".
«Jergilikti resýrstardyń ońtaily jumsalýyn baqylaý ókildik organdarǵa – máslihattarǵa júktelgen. Alaida olardyń pikiri kóbine elenbei jatady. Bul óz kezeginde saiasi anahronizm», - dedi Prezident Qazaqstan halqyna jyl saiynǵy dástúrli Joldaýynda.
Osy oraida Memleket basshysy óńirdi damytý nemese jergilik problemalar boiynsha qol jinaý jáne petitsiia qurý fýnktsiiasyn máslihatqa berý múmkindigi týraly aitty.
«Sonymen qatar, máslihattardyń reviziialyq komissiialaryn kúsheitý kerek. Úkimet pen Esep komitetine zańnamaǵa tiisti túzetýler paketin daiarlaýdy tapsyramyn. Máslihat otyrystarynyń mindetti onlain-tansliatsiiasyn engizý qajet», - dedi Q. Toqaev.
