Sinoptikter mamyr aiynda elimizdegi aýa raiyn boljamyn usyndy, dep habarlaidy "Ult aqparat" Qazgidrometke silteme jasap.
Qazaqstanda mamyr aiynda jazǵy atmosferalyq protsesterge aýysady. Mamyr aiyna qarai elimizdiń soltústigi men ońtústik, ońtústik-shyǵysyndaǵy taýly, taý mańyndaǵy aimaqtarda jaýyn-shashyn kóbeiedi. Mamyr aiynda kún jylynǵan soń, qaita salqyn túsýi yqtimal.
«Kópjyldyq málimet boiynsha, ońtústik aimaqtarda sýyq kúnder mamyrdyń birinshi jartysynda, al soltústikte – aidyń sońynda aiaqtalady. Biraq kei jyldary ońtústik aimaqtarda yzǵarly salqyn kúnder mamyrdyń sońynda da, al soltústik jáne shyǵysta tipti maýsymda da bolýy ábden múmkin», - delingen boljamda.
3 mamyrdan bastap elimizdiń kóptegen bóliginde azdaǵan bultty kún raiy, temperatýranyń joǵarylaýy boljanyp otyr.
Elimizdiń kóp bóliginde aýanyń temperatýrasy túnde +10+15 gradýsqa deiin , al kúndiz - +25+30 gradýsqa deiin kóteriledi. Ońtústik jáne ońtústik-shyǵys aimaqtarynda termometr baǵyna túnde +15+20 gradýsty, kúndiz +30+38 gradýsty kórsetedi.
Qazaqstannyń batys bóliginde ǵana Soltústik-batys tsiklony jáne onymen bailanysty atmosferalyq aǵyndardan naizaǵai jarqyldap, jańbyr jaýady, jel kúsheiip, aýa temperatýrasynyń kúndiz +20+28 gradýstan +13+18 gradýsqa deiin qubylýy yqtimal.
Birinshi onkúndiktiń ortasynda respýblikanyń kei aýmaqtarynda naizaǵaily jańbyr jaýyp, ekpindi jel soǵady. Birinshi onkúndiktiń sońynda Qazaqstannyń kóp bóligine batys antitsiklony áser etip, temperatýranyń 5-10 gradýsqa deiin tómendeýi yqtimal. Soltústikte túnde 3 gradýsqa deiin úsik júrýi múmkin.
«Boljamǵa sáikes, aidyń ekinshi onkúndiginde de salqyn kúnder keledi. Elimizdiń soltústik jartysynda aýanyń temperatýrasy 5 gradýs sýyqty kórsetýi múmkin, kúndiz 10-15 gradýs jyly bolady, al ońtústikte túnde +3+10 gradýs, kúndiz +12+20 gradýs jyly bolady.
Aidyń ekinshi jáne úshinshi onkúndikterinde kún jylynyp, soltústik aimaqtarda naǵyz jazǵy ystyq kún raiy keledi, kúndiz kún +25+33 gradýsqa deiin, al ońtústikte - +30+38 gradýsqa deiin ysidy», - deidi sinoptikter.
Mamandar bir aiǵa arnalǵan aýa raiy boljamyn konsýltavtik boljam retinde qabyldap, onyń keiinnen sinoptikalyq jaǵdaidyń ózgerýine qarai túzetilýi múmkin ekenin atap ótti.
