سينوپتيكتەر مامىر ايىندا ەلٸمٸزدەگٸ اۋا رايىن بولجامىن ۇسىندى, دەپ حابارلايدى "ۇلت اقپارات" قازگيدرومەتكە سٸلتەمە جاساپ.
قازاقستاندا مامىر ايىندا جازعى اتموسفەرالىق پروتسەستەرگە اۋىسادى. مامىر ايىنا قاراي ەلٸمٸزدٸڭ سولتٷستٸگٸ مەن وڭتٷستٸك, وڭتٷستٸك-شىعىسىنداعى تاۋلى, تاۋ ماڭىنداعى ايماقتاردا جاۋىن-شاشىن كٶبەيەدٸ. مامىر ايىندا كٷن جىلىنعان سوڭ, قايتا سالقىن تٷسۋٸ ىقتيمال.
«كٶپجىلدىق مەلٸمەت بويىنشا, وڭتٷستٸك ايماقتاردا سۋىق كٷندەر مامىردىڭ بٸرٸنشٸ جارتىسىندا, ال سولتٷستٸكتە – ايدىڭ سوڭىندا اياقتالادى. بٸراق كەي جىلدارى وڭتٷستٸك ايماقتاردا ىزعارلى سالقىن كٷندەر مامىردىڭ سوڭىندا دا, ال سولتٷستٸك جەنە شىعىستا تٸپتٸ ماۋسىمدا دا بولۋى ەبدەن مٷمكٸن», - دەلٸنگەن بولجامدا.
3 مامىردان باستاپ ەلٸمٸزدٸڭ كٶپتەگەن بٶلٸگٸندە ازداعان بۇلتتى كٷن رايى, تەمپەراتۋرانىڭ جوعارىلاۋى بولجانىپ وتىر.
ەلٸمٸزدٸڭ كٶپ بٶلٸگٸندە اۋانىڭ تەمپەراتۋراسى تٷندە +10+15 گرادۋسقا دەيٸن , ال كٷندٸز - +25+30 گرادۋسقا دەيٸن كٶتەرٸلەدٸ. وڭتٷستٸك جەنە وڭتٷستٸك-شىعىس ايماقتارىندا تەرمومەتر باعىنا تٷندە +15+20 گرادۋستى, كٷندٸز +30+38 گرادۋستى كٶرسەتەدٸ.
قازاقستاننىڭ باتىس بٶلٸگٸندە عانا سولتٷستٸك-باتىس تسيكلونى جەنە ونىمەن بايلانىستى اتموسفەرالىق اعىنداردان نايزاعاي جارقىلداپ, جاڭبىر جاۋادى, جەل كٷشەيٸپ, اۋا تەمپەراتۋراسىنىڭ كٷندٸز +20+28 گرادۋستان +13+18 گرادۋسقا دەيٸن قۇبىلۋى ىقتيمال.
بٸرٸنشٸ ونكٷندٸكتٸڭ ورتاسىندا رەسپۋبليكانىڭ كەي اۋماقتارىندا نايزاعايلى جاڭبىر جاۋىپ, ەكپٸندٸ جەل سوعادى. بٸرٸنشٸ ونكٷندٸكتٸڭ سوڭىندا قازاقستاننىڭ كٶپ بٶلٸگٸنە باتىس انتيتسيكلونى ەسەر ەتٸپ, تەمپەراتۋرانىڭ 5-10 گرادۋسقا دەيٸن تٶمەندەۋٸ ىقتيمال. سولتٷستٸكتە تٷندە 3 گرادۋسقا دەيٸن ٷسٸك جٷرۋٸ مٷمكٸن.
«بولجامعا سەيكەس, ايدىڭ ەكٸنشٸ ونكٷندٸگٸندە دە سالقىن كٷندەر كەلەدٸ. ەلٸمٸزدٸڭ سولتٷستٸك جارتىسىندا اۋانىڭ تەمپەراتۋراسى 5 گرادۋس سۋىقتى كٶرسەتۋٸ مٷمكٸن, كٷندٸز 10-15 گرادۋس جىلى بولادى, ال وڭتٷستٸكتە تٷندە +3+10 گرادۋس, كٷندٸز +12+20 گرادۋس جىلى بولادى.
ايدىڭ ەكٸنشٸ جەنە ٷشٸنشٸ ونكٷندٸكتەرٸندە كٷن جىلىنىپ, سولتٷستٸك ايماقتاردا ناعىز جازعى ىستىق كٷن رايى كەلەدٸ, كٷندٸز كٷن +25+33 گرادۋسقا دەيٸن, ال وڭتٷستٸكتە - +30+38 گرادۋسقا دەيٸن ىسيدى», - دەيدٸ سينوپتيكتەر.
ماماندار بٸر ايعا ارنالعان اۋا رايى بولجامىن كونسۋلتاۆتٸك بولجام رەتٸندە قابىلداپ, ونىڭ كەيٸننەن سينوپتيكالىق جاعدايدىڭ ٶزگەرۋٸنە قاراي تٷزەتٸلۋٸ مٷمكٸن ەكەنٸن اتاپ ٶتتٸ.
