Qarjy monitoring agenttigi zańsyz esep qoiylǵan kólikter boiynsha 2023 jylǵy tamyz aiynan bastap 23 qylmystyq is tirkelgenin, memleketke keltirilgen zalal 14 mlrd teńgeden asqanyn málimdedi.
QMA tóraǵasy Dmitrii Malahovtyń tapsyrmasy boiynsha elimizdiń barlyq mamandandyrylǵan HQKO-da tólemderdiń durys júrgizilgenin tekserý maqsatynda júk kólikterin, avtobýstardy jáne basqa da kólikterdi esepke qoiýdyń zańdylyǵyn tekserý júrgizilýde.
QMA bastamasymen aldyn alý jumystary aiasynda agenttik, Tsifrlyq damý ministrligi jáne "Azamattarǵa arnalǵan úkimet" KEAQ ókilderiniń júk kólikteri men avtobýstardy esepke zańsyz qoiý faktileriniń aldyn alý sharalaryn talqylady.
Kezdesý barysynda búgingi tańda alaiaqtar qoldanǵan 4 negizgi shema týraly aityldy.
QMA tóraǵasynyń orynbasary Qairat Bijanov mundai kezdesýler aldaǵy ýaqytta mundai zań buzýshylyqtarǵa qarsy turýdyń birlesken tetikterin ázirleý maqsatynda ótkizilip jatqanyn atap ótti.
"Qylmystyq jaýapkershilik sharalary ǵana máseleni sheshe almaidy. Bolashaqta mundai oqiǵalardyń aldyn alý úshin barlyq múddeli taraptardy tyńdaý qajet. Bizdiń basty mindetimiz – aldyn alý sharalaryn júrgizý", - dedi Bijanov.
Tsifrlandyrý vitse-ministri Asqar Janbakin óz kezeginde aqparattyq júielerdiń tolyq integratsiiasy júrgizilgenin habarlady, bul VIN engizý kezinde avto týraly barlyq derekti avtomatty túrde aqparattyq júieden tartýǵa jáne tólenýge jatatyn alymdar men tólemderdi esepteýge múmkindik beredi.
"Júieni jańartý HQKO qyzmetkerleriniń avtokólik týraly derekterdi "qolmen" engizýdiń jolyn kesedi. Atap aitqanda, 2023 jyldyń tamyz aiynan bastap QMA 23 qylmystyq is tirkeldi, atalǵan ister boiynsha 3 myńǵa jýyq avtokólik ótýde. Memleketke keltirilgen zalal 14 mlrd teńgeden asty", - delingen habarlamada.
