Aýyl sharýashylyǵy ministrligi mal satyp alýǵa nesie berýdiń kepildik saiasatyn ózgertti, dep habarlaidy "Ult aqparat" AShM silteme jasap.
Aýyl sharýashylyǵy ministri Saparhan Omarovtyń 17 shildedegi buiryǵymen bekitilgen Mal sharýashylyǵyn damytý erejelerine ózgertýler men tolyqtyrýlar engizildi.
Atap aitqanda, negizgi ózgerister qoi sharýashylyǵynyń sýbsidiiasyna engizildi: asyl tuqymdy tóldeitin qoilarmen selektsiialyq jáne asyldandyrý jumystarynyń normalary 2500-den 4000 teńgege deiin, taýarlyq qoilarǵa - 1500-den 2500 teńgege deiin kóterildi.
Sondai-aq, asyl tuqymdy otandyq (8 myńnan 15 myńǵa deiin) jáne importtalǵan qoilardy (bir basyna 150 myń teńgege deiin) satyp alý normalary joǵarylady.
Mal sharýashylyǵymen ainalysatyn fermerlerge qolaily jaǵdai jasaý maqsatynda ministrlik mal satyp alýǵa nesie berýdiń kepildik saiasatyn ózgertti,sonymen qatar fermerlik sharýashylyq pen bordaqylaý alańdaryna nesie alýǵa ótinishterdi qaraý merzimderi ońtailandyryldy.
Endi maldy 1:1 ótimdilik koeffitsientimen satyp alýǵa bolady. Sonymen birge, fermerler sýbsidiia alǵannan keiin, turaqty kepildik - 15 bolady. Qalǵan 85% satyp alynǵan malmen qamtamasyz etiledi.
Qazaqstandyq mal ósirýshilerge qosymsha qoldaý kórsetý úshin karantin kezindegi diagnostikalyq zertteýlerdiń baǵasy siyrǵa 23,5 myńnan 4271 teńgege deiin, al Eýropalyq Odaq elderinen ákelingen buqa úshin 28,5 myńnan 8741 teńgege deiin tómendetildi.
Ákimdikter men aýylsharýashylyǵy taýaryn óndirýshilerdiń ótinishterine bailanysty, QR Aýyl sharýashylyǵy ministrligi karantin kezinde importtalǵan malǵa diagnostikalyq synaqtar júrgizý shyǵyndardyn ońtailandyrý boiynsha jumystar júrgizdi.
Eýropalyq Odaqta janýarlardyń asa qaýipti aýrýlary boiynsha epizootiialyq jaǵdai turaqty bolǵandyqtan, Shmallenberg aýrýy boiynsha karantin kezinde EO-dan importtalǵan janýarlardyń bir PTR testileýine deiin azaitý týraly sheshim qabyldandy.
Zertteý jumystarynyń qunyn tómendetý importtalǵan mal basyn ákelý kezinde aýylsharýashylyq taýaryn óndirýshiler júktemesin edáýir azaitady.
Karantin kezindegi importtalatyn janýarlardy diagnostikalyq zertteý quny Qazaqstan Respýblikasynyń barlyq aimaqtarynda birdei ekenin atap ótken jón.
Kanadadan ákelingen iri qara maldy tekserý quny (veterinarlyq sertifikattarda kórsetilgen aýrýlardyń tizimine sáikes), eger tabiǵi qashyrý qoldanylmasa, 1 siyrǵa 1978 teńge, al tabiǵi qashyrý qoldanylsa, 3267 teńge bolady. Buqany zertteý quny - 6448 teńge jáne sáikesinshe 7737 teńge.
AQSh-tan ákelingen mal úshin: siyrǵa - 2697 teńge, buqaǵa - 7167 teńge.
Avstraliiadan ákelingen IQM: siyrǵa - 1408 teńge, buqaǵa - 2984 teńge.
Latyn Amerikasynan ákelingen IQM: siyrǵa - 4120 teńge, buqaǵa - 8590 teńge.
EAEO-ǵa múshe memleketterden (Resei Federatsiiasy jáne Belarýs) ákelingen iri qara malǵa: siyrǵa - 3183 teńge (virýstyq diareia men juqpaly rinotraheitke qarsy egilmegen) jáne 1978 teńge (egilgen), buqa úshin - 7653 teńge (egilmegen) jáne 6448 teńge (egilgen).
2020 jyly Agroónerkásiptik keshendi damytýdyń memlekettik baǵdarlamasyna sáikes Qazaqstanǵa 95 myń bas et jáne sút baǵytyndaǵy iri qara mal ákelý josparlanyp otyr.
