Foto: Freepik
Qazaqstanda qyzylsha juqtyrǵandar sany artyp barady: jyl basynan beri 11 myń adam tirkeldi. Densaýlyq saqtaý vitse-ministri Timýr Sultanǵazievtiń aitýynsha, aýrýǵa shaldyqqandardyń basym bóligi - túrli sebeptermen ekpe almaǵan 14 jasqa deiingi balalar, - dep habarlaidy Tengrinews.kz saity.
Sheneýniktiń aitýynsha, ekpe almaǵan balalar ne meditsinalyq turǵydan qarsy kórsetilim týraly qaǵaz alǵandar, ne ata-analary internettegi jalǵan aqparattyń áserinen ekpeden bas tartqan.
"Jaǵdaidy aýyzdyqtaý úshin bas memlekettik sanitariia dárigeri 6 aidan 11 aiǵa deiingi balalarǵa qosymsha vaktsinatsiia júrgizý týraly sheshim qabyldady. Budan basqa, qosymsha vaktsinatsiia 2 jastan 5 jasqa deiingi balalar arasynda júrgiziledi", - dedi Sultanǵaziev Senatta ótken brifingte.
Vitse-ministrdiń sózinshe, aýrýshańdyq jaǵdaiy Shymkent, Almaty qalalarynda, sondai-aq Almaty jáne Jambyl oblystarynda órship tur.
