Foto: Altainews.kz
Týrizm jáne sport ministrligi otandyq jáne sheteldik qonaqtarǵa arnalǵan qysqy demalysqa barýǵa turarlyq úzdik 7 baǵytty usynady, dep habarlaidy Ult.kz.
Ridder, Shyǵys Qazaqstan oblysy – Batys Altai memlekettik tabiǵi qoryǵy
Ridder – qysta erekshe sulýlyqqa bólenetin Altai taýlarynyń injý-marjany. Qalyń shyrshaly taiga, aq qarǵa oranǵan taý bókterleri men ásem tynyshtyq bul aimaqty qysqy demalysqa tamasha mekenge ainaldyrady.
Qyzmet túrleri: taý shańǵysy, friraid, snoýbord, qysqy haiking, fototýrlar.
Ereksheligi: Batys Altai qoryǵy qysta erekshe sánge enip, tabiǵaty kóz tartady. Bul óńir ekotýrizmniń naǵyz ortalyǵyna ainalady.
Tolyǵyraq: @visiteastkz
Katonqaraǵai ulttyq tabiǵi parki
Qazaqstandaǵy eń iri ulttyq parkterdiń biri Katonqaraǵai qysta múlde bólek bir atmosferaǵa enedi.
Nesimen tanymal: Berel qorǵany, Rahman qainary, Qarakól kóli, muzdy shyńdar jáne qalyń qaraǵaily ormandar.
Qysta: qar jamylǵan taý shatqaldary, tumshalanǵan tynyshtyq jáne taza aýa týrister úshin erekshe demalys syilaidy.
Belsendilik: ekotýrlar, haiking, tabiǵatta foto-joryqtar.
Tolyǵyraq: @katonkaragay_nationalpark
Almaty qalasy – taý shańǵy jáne qysqy sport ortalyǵy
Almaty – Qazaqstannyń qysqy týrizmimen tanymal iri ortalyq.
Shymbulaq – Ortalyq Aziiadaǵy eń áigili taý shańǵy kýrorty, túrli deńgeidegi trassalarmen jabdyqtalǵan. Artyqshylyǵy: qala ortalyǵynan taýǵa nebári 20-30 minýtta jetýge bolady.
Tolyǵyraq: @visitalmatykz
Býrabai memlekettik ulttyq tabiǵi parki
Qysta erekshe sulýlyqqa bólenetin Býrabai – otbasylyq demalys úshin taptyrmas oryn.
Neni kórýge bolady: Oqjetpes, Býrabai kóli, qaraǵaily ormandardyń qarǵa oranǵan kórinisi, tynysh ári taza aýa, jaily demalys bazalary bul aimaqty jyldyń sýyq mezgilinde de suranysqa ie etedi.
Belsendilik: shańǵy, konki tebý, qysqy serýender.
Tolyǵyraq: @visitaqmola
Kókshetaý memlekettik ulttyq tabiǵi parki – Shalqar-Imantaý kólderi, qaiyń toǵailary
Bul aimaq – qysqy romantika men tynyshtyqty baǵalaityndar úshin taptyrmas oryn.
Ereksheligi: aq qarǵa oranǵan qaiyń toǵailary, taza kólder, tynysh ekojúie.
Qysqy belsendilik: qarly orman ishindegi serýen, qysqy balyq aýlaý, tabiǵat aiasyndaǵy fotosessiialar, tynysh ekodemalys.
Tolyǵyraq: @visitsko
Jońǵar Alataýy – Jetisý óńiri
Jońǵar Alataýy – Qazaqstannyń jas ári áleýeti joǵary ekotýristik baǵyty.
Nesimen tanymal: biik taý jotalary, qarly asýlar, jabaiy tabiǵat kórinisteri.
Bul aimaq friraid áýesqoilary, qysqy joryq jasaýshylar jáne tabiǵat zertteýshileri úshin qolaily.
Artyqshylyǵy: shytyrman oqiǵalar týrizmi, tabiǵattyń alǵashqy kúiinde saqtalǵan aimaq.
Tolyǵyraq: @visitzhetysu
Baianaýyl memlekettik ulttyq tabiǵi parki
Qysta Baianaýyl erekshe tylsym beinege enedi.
Belgili nysandar: Jasybai kóli, Qońyr áýlie úńgiri, Botakóz shatqaly, Toraiǵyr kóli.
Qar jamylǵan taý jotalary men orman massivteri bul aimaqty qysqy fototýrizmniń súiikti núktesine ainaldyrady.
Belsendilik: shańǵy tebý, ekotýrlar, tabiǵatta foto-joryqtar.
Tolyǵyraq: @visit_pavlodar.obl
