Foto: Tengrinews.kz
Qazaqstanda qus etin sýmen toltyryp qatyrýǵa tyiym salyndy. Sonymen birge ony jibitkennen keiin ylǵaldyń bóliný jyldamdyǵy belgilendi. Onyń úlesi tórt paiyzdan aspaýy kerek. Bul týraly Saýda ministrliginiń Tehnikalyq retteý jáne metrologiia komiteti málimdedi, - dep habarlaidy Tengrinews.kz.
Sonymen qatar, óńdelgen qus etine taǵamdyq qospalardy, sonyń ishinde fosfattardy, konservanttardy jáne dám kúsheitkishterdi engizýge tyiym salyndy. Talaptardy buzǵany úshin óndirýshilerdi 600 myń teńgege deiin aiyppul kútip tur.
Mundai standarttar Armeniia, Belarýs, Qyrǵyzstan jáne Reseide burynnan bar ekeni atap ótiledi. Sondyqtan inspektorlar qazaqstandyq tutynýshyny qaýipti ónimnen qorǵaýdy kózdep otyr.
"Biryńǵai tehnikalyq reglament qus etin sýmen toltyrýǵa, taǵamdyq qospalardy, onyń ishinde fosfattardy, sondai-aq konservanttar men dám kúsheitkishterdi engizýge tikelei tyiym salýdy kózdeidi, jibitkennen keiin bólinetin ylǵaldyń normasy 4 paiyzdan aspaidy jáne tutynýshylardyń quqyqtaryn qorǵaý úshin mańyzdy basqa da talaptar bar", - dedi Tehnikalyq retteý jáne metrologiia komitetiniń (KTRM) tóraǵasy Qýanysh Elikbaev.
