Elimizde qurylys salasy boiynsha beriletin memlekettik tapsyrystyń kólemin ulǵaitý kerektigi aityldy, dep habarlaidy QazAqparat.
«Otandyq qurylys salasyndaǵy kommertsiialyq qaýiptiń aldyn alý maqsatynda memleket tarapynan qoldaý qajet. Iaǵni qurylys salasyndaǵy memlekettik tapsyrystyń kólemin 2 esege deiin ulǵaitý kerek. Atalǵan shara jumys oryndaryn saqtaýǵa jáne elimizde qurylys kólemin qoldaýǵa qoldaý septigin tigizedi. Sonymen qatar Nur-Sultan, Almaty, Shymkent qalasy jáne óńirler boiynsha infraqurylymdyq jobalardy ázirlep, oǵan qarjy quiý qajet», - dedi Qazaqstan qurylysshylar odaǵynyń Nur-Sultan qalasy boiynsha filialynyń direktory Irina Manjanova «Atameken» UKP-da onlain ótken baspasóz máslihatynda.
Sondai-aq, Qazaqstannyń qurylysshylar odaǵy sala uiymdaryn jyl sońyna deiin salyqtan bosatýdy usynyp otyr.
Odan bólek, odaq ókilderi otandyq qurylys kompaniialarynyń ótken jyldan qalǵan aiyppuly men ósimpulyn keshirýdi surap otyr.
