«Atameken» ulttyq kásipkerler palatasy jáne ortalyq memlekettik organdarmen birlesip Litsenziattardyń biryńǵai tizilimin qurý boiynsha jumystar júrgizip jatyr, dep habarlaidy QR Indýstriia jáne infraqurylymdyq damý ministrliginiń baspasóz qyzmeti.
Tizilimde litsenziat litsenziia alǵan kezde usynatyn barlyq derekter (attestattalǵan injenerlik-tehnikalyq quram; materialdyq-tehnikalyq jaraqtandyrylýy; óndiristik baza, iske asyrylǵan obektileri, jumys tájiribesi) kórsetiledi.
Osy tizilim derekterdi qaita tekserý jáne ózektendirý úshin basqa memlekettik organdardyń aqparattyq júielerimen integratsiialanady.
Atalǵan sharalardy iske asyrý qurylys jáne jobalaý uiymdary qyzmetiniń ashyqtyǵyn arttyrýǵa múmkindik beredi. Óitkeni barlyq derekter ashyq, qoljetimdi bolady.
Óz kezeginde, bul sharalar Tehnikalyq qadaǵalaý men tehnikalyq tekserýdi júzege asyratyn zańdy tulǵalardy akkreditteý jónindegi memlekettik qyzmet siiaqty tolyq avtomattandyrýmen qurylys salasynda litsenziia berý rásimin barynsha ońtailandyrady.
2019 jyly Ministrlik atalǵan memlekettik qyzmetti tolyǵymen avtomattandyrǵan edi. Ótinimder qaralyp, nátijeleri 20 minýt ishinde adam faktorynyń áserinsiz tolyqtai kompiýtermen beriledi. Ol úshin Egov.kz úkimet portalymen yqpaldastyra otyryp tiisti tizilimder avtomattandyryldy.
Búgingi tańda Ministrlik naqty sharalar men merzimderi kórsetilgen Jol kartasynyń jobasyn ázirlep, kelisý úshin tiisti organdarǵa jiberdi.Jol kartasyn 2021 jyly iske asyrylady.
QR Premer-Ministriniń 2019 jylǵy 27-28 qarashadaǵy hattamalyq tapsyrmasyn oryndaý boiynsha QR Indýstriia jáne infraqurylymdyq damý ministrligi «Atameken» ulttyq kásipkerler palatasymen birlesip, zańnamada belgilengen tártippen Ádilet ministrligi, Ulttyq ekonomika ministrligi, Qarjy ministrligi, Tsifrlyq damý, innovatsiialar jáne aeroǵarysh ónerkásibi ministrligimen birge qolda bar memlekettik aqparattyq júielermen integratsiialanatyn, árbir litsenziat boiynsha tolyq málimetterdi qamtityn jáne belsendi emes uiymdardy anyqtaýǵa múmkindik beretin qurylys salasyndaǵy litsenziattardyń biryńǵai elektrondyq tizilimin qurý máselesin qarastyrý tapsyrylǵan edi.
