Qurylys kásiporyndary men uiymdarynyń 2020 jylǵy qańtar-naýryzda atqarǵan jumys kólemi 456,1 mlrd teńgeni qurady, dep habarlaidy "Ult aqparat" energyprom.kz-ǵa silteme jasap.
2020 jylǵy qańtar-naýryzda eldegi qurylys jumystarynyń kólemi 456,1 mlrd teńgeni qurady. Bul ótken jyldyń sáikes kezeńimen salystyrǵanda 11,7 paiyzǵa kóp.
Olardyń aitarlyqtai bóligin qurylys-montaj jumystary alady, iaǵni 412,4 mlrd teńge. Al 23,3 mlrd teńge aǵymdaǵy jóndeýge, 20,3 mlrd teńge kúrdeli jóndeý jumystaryna ketedi.
Osy jyldyń 3 aiynda sheteldik qurylys uiymdarynyń qurylys jumystarynyń kólemi 17,3%, jeke menshik qurylys uiymdary- 82,7 paiyz, memlekettik qurylys uiymdary - 0,01paiyzdy qurady. Bir jyl buryn dál osy merzimde jeke qazaqstandyq qurylys kompaniialary qurylys jumystarynyń kólemi 85,9 paiyz, sheteldik qurylys kompaniialarynyń jumys kólemi - 14,1 paiyz, memlekettik qurylys kompaniialarynyń jumys kólemi - 0,04 paiyzdy quraǵan.
Qurylys jumystarynyń jalpy kólemindegi sheteldik uiymdardyń eń kóp úlesi Atyraý oblysyna tiesili (41,1%). Odan keiingi orynda Nur-Sultan qalasy (33,3%). Basqa aimaqtarda bul kórsetkish 10 paiyzdan aspaidy.
