قۇرىلىس كەسٸپورىندارى مەن ۇيىمدارىنىڭ 2020 جىلعى قاڭتار-ناۋرىزدا اتقارعان جۇمىس كٶلەمٸ 456,1 ملرد تەڭگەنٸ قۇرادى, دەپ حابارلايدى "ۇلت اقپارات" energyprom.kz-عا سٸلتەمە جاساپ.
2020 جىلعى قاڭتار-ناۋرىزدا ەلدەگٸ قۇرىلىس جۇمىستارىنىڭ كٶلەمٸ 456,1 ملرد تەڭگەنٸ قۇرادى. بۇل ٶتكەن جىلدىڭ سەيكەس كەزەڭٸمەن سالىستىرعاندا 11,7 پايىزعا كٶپ.
ولاردىڭ ايتارلىقتاي بٶلٸگٸن قۇرىلىس-مونتاج جۇمىستارى الادى, ياعني 412,4 ملرد تەڭگە. ال 23,3 ملرد تەڭگە اعىمداعى جٶندەۋگە, 20,3 ملرد تەڭگە كٷردەلٸ جٶندەۋ جۇمىستارىنا كەتەدٸ.
وسى جىلدىڭ 3 ايىندا شەتەلدٸك قۇرىلىس ۇيىمدارىنىڭ قۇرىلىس جۇمىستارىنىڭ كٶلەمٸ 17,3%, جەكە مەنشٸك قۇرىلىس ۇيىمدارى- 82,7 پايىز, مەملەكەتتٸك قۇرىلىس ۇيىمدارى - 0,01پايىزدى قۇرادى. بٸر جىل بۇرىن دەل وسى مەرزٸمدە جەكە قازاقستاندىق قۇرىلىس كومپانييالارى قۇرىلىس جۇمىستارىنىڭ كٶلەمٸ 85,9 پايىز, شەتەلدٸك قۇرىلىس كومپانييالارىنىڭ جۇمىس كٶلەمٸ - 14,1 پايىز, مەملەكەتتٸك قۇرىلىس كومپانييالارىنىڭ جۇمىس كٶلەمٸ - 0,04 پايىزدى قۇراعان.
قۇرىلىس جۇمىستارىنىڭ جالپى كٶلەمٸندەگٸ شەتەلدٸك ۇيىمداردىڭ ەڭ كٶپ ٷلەسٸ اتىراۋ وبلىسىنا تيەسٸلٸ (41,1%). ودان كەيٸنگٸ ورىندا نۇر-سۇلتان قالاسى (33,3%). باسقا ايماقتاردا بۇل كٶرسەتكٸش 10 پايىزدان اسپايدى.
