QR Premer-Ministriniń birinshi orynbasary Álihan Smaiylov jańadan qurylatyn Strategiialyq josparlaý jáne reformalar jónindegi agenttikke qandai qyzmet júkteletinin aitty, dep habarlaidy "Ult aqparat".
«Prezident janyndaǵy Strategiialyq josparlaý jáne reformalar jónindegi agenttik mindetterdi qaita bólý, iaǵni Ulttyq ekonomika ministrliginiń jekelegen qvzmetterin atalǵan agenttikke berý esebinen qurylady. Bul strategiialyq josparlaý máseleleri boiynsha qyzmetter, memlekettik basqarý boiynsha jekelegen máseleler men memlekettik statistikany damytý máseleleri», - dedi birinshi vitse-premer Úkimet úiindegi baspasóz máslihatynda BAQ ókilderiniń saýalyna orai.
Onyń naqtylaýynsha, atalǵan agenttik qyzmetin qarjylandyrý joǵarydaǵy qyzmetterdi oryndaýǵa arnalǵan qoldanystaǵy shyǵystardy qaita bólý esebinen júrgiziledi.
«Bólýshi teńgerim jasalady jáne ol qazirgi ýaqytta Májilis qaraýynda jatqan zańnama aiasynda osy jylǵy biýdjetti naqtylaý jáne kelesi úsh jylǵa arnalǵan respýblikalyq biýdjetti qalyptastyrý barysynda eskeriledi», - dedi Álihan Smaiylov.
Esterińizge sala keteiik, Memleket basshysy Qasym-Jomart Toqaev Qazaqstan halqyna jyl saiynǵy dástúrli Joldaýynda Strategiialyq josparlaý jáne reformalar jónindegi agenttik qurylatynyn jariialaǵan edi.
