Jyl basynan beri elimizde qus etiniń óndirisi ótken jylmen salystyrǵanda 6,3% ósti. Qańtar men mamyr aralyǵynda 100 myń tonnaǵa jýyq ónim óndirildi, dep habarlaidy QR Aýyl sharýashylyǵy ministrliginiń baspasóz qyzmeti.
Qazaqstanda qus etin 24 qus fabrikasy shyǵarady. Kún saiyn olar 800 tonnaǵa deiin ónim óndiredi. Aqmola oblysynda - 200 tonnadan astam, Almatyda - 350-ge jýyq, Aqtóbe men Atyraýda - 7 tonnaǵa, Shyǵys Qazaqstan oblysynda - 130, Batys Qazaqstan, Jambyl jáne Qaraǵandy oblystarynda - 20-dan astam, Qostanai jáne Pavlodar -14, SQO - 6, OQO - 45 tonnaǵa jýyq.
Jyl sońyna deiin barlyq sharýashylyq 300 myń tonnaǵa jýyq et óndiredi dep kútilýde.
Aita ketý kerek, 2019 jyly respýblikada 223 myń tonna qus eti óndirildi, al 2018 jyly 192 myń tonna . Óndiristiń turaqty ósýine bailanysty qus etiniń importy 4% -ǵa azaidy. 2018 jyly 49% bolsa, 2019 jyly 45% -ǵa tústi.
Et óndirisin damytý baǵdarlamasyn júzege asyrýmen, sonymen qatar qus etin óndirýdi memlekettik qoldaý sharalary júieli júrgizilgendikten qus sharýashylyǵy óziniń tiisti nátijesin berdi. Atap aitqanda, qus etin odan ári importty almastyrýǵa arnalǵan qus sharýashylyǵyn damytý baǵdarlamasy aiasynda jańa qus fabrikalaryn salý jáne qoldanystaǵy modernizatsiiany qarjylandyrý sharalary qabyldanýda.
Búginde Qazaqstanda 5 qus fabrikasynyń qurylysy jalǵasýda. Sondai-aq, Almaty, Atyraý jáne Qostanaidaǵy qus fabrikalaryn jóndeý boiynsha jumys júrgizilýde.
Elimizdegi joǵary sapaly ónim óndiretin qazirgi zamanǵy qus fabrikalarynyń biri Shymkent qalasynda ornalasqan. «Shymkent qus» JShS 14 jyldan beri jumyrtqa men broiler etin óndirip keledi.
Zaýytta jylyna 115 mln jumyrtqa jáne 2 myń tonna et óndiriledi. Qazir qustardyń jalpy sany 600 myńnan asady, olardyń ishinde 400 myńǵa jýyǵy taýyqtar, 92 myńnan astam bas janýar men 115 myń broiler bar. Kompaniia 320 adamdy jumyspen qamtyp otyr, olardyń ortasha jalaqysy 105 myń teńge.
