Elde kúnbaǵys óndirisi artqanymen, onyń quny arzan bolmai tur. Energyprom.kz málimetterine sáikes, atalǵan ónim quny bir jylda 12 paiyzǵa artqan, dep habarlaidy Ulysmedia.kz.
Zertteý agenttiginiń dereginshe, tazartylmaǵan mai óndirisi bir jyl ishinde 71,5 paiyzǵa qymbattaǵan.
«2022 jyldyń birinshi jartyjyldyǵynda kúnbaǵys maiyn óndirý kólemi 235 myń tonnaǵa jetti. Bul kórsetkish ótken jylǵy sáikes kezeńmen salystyrǵanda 38,1 paiyzǵa kóp. Tazartylmaǵan kúnbaǵys maiy 160 myń tonnaǵa (bir jylda 71,5 paiyzǵa ósti), tazartylǵan kúnbaǵys maiynyń úlesi 75 myń tonnaǵa (2021 jyldyń birinshi jartyjyldyǵymen salystyrǵanda 2,5 paiyzǵa az) teń», - delingen zertteýde.
Óńirlik turǵydan alǵanda, kúnbaǵys maiyn óndirýdiń jalpy kóleminiń jartysyna jýyǵyn Shyǵys Qazaqstan oblysy qamtamasyz etkeni anyqtalǵan.
Onda 78,1 myń tonna tazartylmaǵan jáne 33,6 myń tonna tazartylǵan mai óndirilgen. Tazartylmaǵan kúnbaǵys maiyn óndirý úlesi Abai (43,8 myń tonna) jáne Qostanai (9,1 myń tonna) oblystarynda, óńdelgen túri Shymkent (24,2 myń tonna) jáne Almaty (10,4 myń tonna) qalalarynda aitarlyqtai kóp.
