QR Densaýlyq saqtaý ministri Ajar Ǵiniiat Qazaqstandaǵy vaktsinalaý jáne revaktsinalaý jumystary týraly aityp berdi, dep habarlaidy QazAqparat.
«Álemde omikronnan keiin epidemiologiialyq ahýal nasharlady. Birqatar elde aýrýdyń órshýi eki aidan astam ýaqytqa sozyldy, al kei elderde áli jalǵasyp jatyr. Halyqty vaktsinalaý jáne revaktsinalaý júrgizilip jatyr. Búgingi kúni vaktsinalaýǵa jatatyn eresek halyqtyń 83% nemese Qazaqstan halqynyń 54% birinshi komponentpen jáne 52% - ekinshi komponentpen qamtylǵan. Belgilengen toptyń 55% qaita vaktsinalandy jáne revaktsinalaýmen 3 mln astam adam qamtylǵan, al jalpy 5,6 mln qaita vaktsinalaýǵa jatady», - dedi A. Ǵiniiat ortalyq kommýnikatsiialar qyzmetinde ótken baspasóz máslihatynda.
Ministrdiń aitýynsha, kún saiyn táýligine shamamen 23 000 adam ekpe saldyrady, 27 000 adamǵa deiin qaita vaktsinalanady. Óńirlerde vaktsinamen qamtý úshin 5 mln jýyq vaktsina dozasy bar.
