قر دەنساۋلىق ساقتاۋ مينيسترٸ اجار عينييات قازاقستانداعى ۆاكتسينالاۋ جەنە رەۆاكتسينالاۋ جۇمىستارى تۋرالى ايتىپ بەردٸ, دەپ حابارلايدى قازاقپارات.
«ەلەمدە وميكروننان كەيٸن ەپيدەميولوگييالىق احۋال ناشارلادى. بٸرقاتار ەلدە اۋرۋدىڭ ٶرشۋٸ ەكٸ ايدان استام ۋاقىتقا سوزىلدى, ال كەي ەلدەردە ەلٸ جالعاسىپ جاتىر. حالىقتى ۆاكتسينالاۋ جەنە رەۆاكتسينالاۋ جٷرگٸزٸلٸپ جاتىر. بٷگٸنگٸ كٷنٸ ۆاكتسينالاۋعا جاتاتىن ەرەسەك حالىقتىڭ 83% نەمەسە قازاقستان حالقىنىڭ 54% بٸرٸنشٸ كومپونەنتپەن جەنە 52% - ەكٸنشٸ كومپونەنتپەن قامتىلعان. بەلگٸلەنگەن توپتىڭ 55% قايتا ۆاكتسينالاندى جەنە رەۆاكتسينالاۋمەن 3 ملن استام ادام قامتىلعان, ال جالپى 5,6 ملن قايتا ۆاكتسينالاۋعا جاتادى», - دەدٸ ا. عينييات ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
مينيستردٸڭ ايتۋىنشا, كٷن سايىن تەۋلٸگٸنە شامامەن 23 000 ادام ەكپە سالدىرادى, 27 000 ادامعا دەيٸن قايتا ۆاكتسينالانادى. ٶڭٸرلەردە ۆاكتسينامەن قامتۋ ٷشٸن 5 ملن جۋىق ۆاكتسينا دوزاسى بار.
