Qazgidromet aldaǵy kúnderi Qazaqstanda aýa temperatýrasy tómendeitindigi týraly habarlady.
«Jańbyr men qar túrinde mol jaýyn-shashyn baiqalatyn tsiklonnyń artynan sýyq coltústik-batys antitsiklon jylji bastaidy. Saldarynan jaýyn-shashynnyń qysqa merzimge toqtaýy jáne aýa temperatýrasynyń tómendeýi kútiledi. Eldiń ońtústik aimaqtaryna Jerorta teńiziniń aýdandarynan tsiklonnyń shyǵýy áser etedi, ol jaýyn-shashyn ákeledi, kei jerlerde qatty (jańbyr, qar). Kei jerlerde tuman, burqasyn, kóktaiǵaq, jeldiń kúsheiýi boljanady», - delingen habarlamada.
Sonymen qatar, 12 naýryz túnde Qaraǵandy jáne Aqmola oblystarda jaiaý burqasyn kútiledi. 12-13 naýryzda kei jerlerde tuman kútiledi. 13 naýryzda ońtústik-batystan soǵatyn jel soltústik-shyǵysqa aýysady, kúshi kei jerlerde 15-20, ekpini 23-28 m/s. 12-13 naýryz aralyǵynda aýa temperatýrasynyń 7-12, kei jerlerde 16 gradýs aiazdan 22-27, kei jerlerde 30 gradýs aiazǵa deiin kúrt tómendeýi kútiledi.
13-14 naýryzda Túrkistan oblysynda kei jerlerinde qatty jaýyn-shashyn (jańbyr, qar), tuman, kóktaiǵaq kútiledi. Ońtústik-batystan soltústik, soltústik-shyǵysqa aýysatyn jel soǵady, 12 naýryzda kúndiz oblystyń basym bóliginde, 13-14 naýryzda táýlik boiy kei jerlerde kúshi 15-20, ekpini 23-28 m/s, 12 naýryzda kúndiz taýly aýdandarda ekpini 30 m/s jáne odan asa kútiledi.
13 naýryzda kúndiz aýa temperatýrasynyń 16-21, kei jerlerde 6-11 gradýs jylydan, 3-8 gradýs jyly, kei jerlerde minýs 0-5 gradýsqa jetýi múmkin.
